裝修佬教你分辨真皮沙發
2016年08月05日
2
345516
沙發係屋企不可缺少嘅傢私之一，而現時市面上有木質沙發、布藝沙發、藤沙發、皮沙發等。皮具係日常生活使用廣泛，可造於手袋、皮帶、鞋、沙發等。皮沙發有人造皮同真皮，兩個價格差異較大。真皮沙發透氣性能好、舒適結實、使用壽命長、冬暖夏涼、款式霸氣大方等。真皮沙發越坐越滑，如果日常保養得宜無損壞係唔會出現開裂情況，耐水性好，便於清潔。真皮既然有咁多好處，價格相差較大，好多黑心老闆就會濫竽充數謀取高利潤。唔想俾人搵笨就同裝修佬學下點樣去分辨真皮沙發。
睇紋路
真皮紋路一般唔會太均勻，有啲地方紋路大，有啲地方細，某啲地方仲會出現唔太均勻嘅情況。人造皮嘅紋路特別規則，望落比較完美。
睇底面
真皮嘅反面無打底，望落有啲毛絨絨。人造皮嘅反面有布質打底。
睇毛孔
真皮一般都有細小毛孔，大小不一。人造皮一般都無毛孔。
手感
真皮係低溫環境手摸比較光滑，無冷涼感。人造材料，係低溫環境手摸有冷涼感，手感較生硬，比較生澀。真皮用手向兩邊拉彈性比較好，而人造皮用手拉無彈力，或彈力較細。
嗅覺
真皮聞時有動物脂肪味即皮臭味，人造皮有塑膠味。從真皮同人造背面撕落小小纖維，燒著後，凡發出刺鼻氣味，結成一塊嘅係人造皮；凡係發出毛髮氣味，唔起塊嘅係真皮。
款式
真皮沙發款式予人一種霸氣、豪華感，而且唔會包起身。
滴水測試
將細小水珠于其皮表面，水珠立即通過毛孔擴散，而且睇到明顯濕斑，吸收水分，即為真皮。如果水珠吸收比較慢，10多分鐘之內唔吸收多數為人造皮。
現場測試
真皮沙發用手按上去，四周褶皺均勻，用指甲係表面輕輕刮，刮痕會好快會消失。而人造皮沙發用手按上去，四周褶皺十分淩亂唔均勻，若用指甲檢驗，刮痕久久不能散去。
