室內設計經驗分享:空間放大方法
2016年08月18日
14
139960
裝修來講呢，真係活到老學到老，而呢個學問係唔會過時。而現時香港樓盤較細，最大問題就係收納空間不足。其實細單位如果裝修適宜，都可以住得逞心如意。以下裝修佬教大家關於細單位嘅裝修技巧，令你空間放大。
大面積使用白色
如果你屋企面積細，最簡單嘅裝修方法就係大量使用白色：牆面、樓頂、地面、傢俱、裝飾品等。使用大面積嘅白色可以令居室空間變得簡潔明快，而且白色容易同其他顏色搭配，對光嘅反射率亦係最好，可以最大限度保證居室明亮。
用同一色調地板
將地板用同一隻色調、統一材料裝修，咁會係視覺上顯得更闊落。
根據物件大細同形狀做適當嘅收納空間
如果有大量CD同書籍、錄影帶等物品，最好事先根據呢啲物品具體形狀同數量，來制定適當空間規劃。定做尺寸相當嘅置物架或收納櫃，可以避免空間浪費。整理起身會有條不紊，視覺上都會整齊好多。
高於頭頂嘅空間安置收納櫃
係廚房餐枱、玄關、露台等空間嘅頂部安裝收納櫃，會比係地面放置傢俱或牆面置物架效果好，解決收納問題。
將牆面設計成置物架
將成個牆面做成置物櫃，形成多個細空間嘅層架，收納日常用品之餘，仲可以放裝飾品，修飾室內空間。
客廳裡放無靠背嘅沙發
係客廳可以試放無靠背嘅沙發。
將沙發做成長窄形，然後放幾個攬枕當成靠背便可。呢種無靠背嘅沙發，可以令房間面積感增大，而且有多種唔同用途。
利用低矮傢俱
如果想令空間顯得闊落啲嘅話，低矮傢俱係唔錯嘅選擇。低矮傢俱可令牆面顯得開闊好多。如果造成收納空間不足，可以係牆面做置物架，放置裝飾品同生活用品，兼具收納裝飾效果。
帶有櫃桶嘅餐枱整理廚房用品
使用帶有櫃桶嘅餐枱，可以充分彌補廚房用品收納問題。可以放置一啲唔經常使用嘅家電製品或碗碟。
(以上圖片均來自網路，如有任何版權問題，請與本站聯絡)
