室內設計經驗分享:中式風格裝修設計
2016年10月18日
2
140023
講到中式風格設計，可能好多人都會聯想到傳統、古板、過時等。其實中式風格係非常有味道嘅設計風格，以文化性強、格調高雅、莊重、簡樸來形容中式風格係最好不過，正係呢D特點而一直流傳多年而不被遺忘。究竟中式風格係裝修設計上有咩要求同注意事項呢？裝修佬話你知。
顏色要求
中式客廳除咗要求設計上遵守古風之外，對顏色嘅要求係好嚴格嘅。顏色係營造視覺感最好嘅工具之一，雖然五顏六色俾人以鮮豔、搶眼感覺，但係並唔適合中式風格。中式風格裝修設計一般唔會採用太多顏色搭配，調和顏色會較少，主要係紅色、啡色、黃色等幾種。如果鐘意多種顏色嘅話，可以係選擇中式客廳屏風時落功夫，選擇一個顏色較鮮豔嘅屏風即可，再配以紅色或黃色靠墊、坐墊就可烘托居室氣氛，既唔會破壞中式客廳設計格局，亦可以滿足個人需求。
設計風格
中式設計風格必須係古香古色，一般通過設計各種古典枱櫈、擺放各類古風裝飾來實現，其中最好嘅選擇之一就係擺一道中式客廳屏風，增加不少古樸中式風味道。而裝修牆面、地面同普通裝修無區別，牆面用白色乳膠漆或淺色壁紙，地面用木地板、石材、地磚、地壇均可。
裝修材料
中式裝修裝飾材料一般是以木質為主，講究雕刻彩繪、造型典雅，多採用酸枝木或大葉檀等高檔硬木。木係中式風格不可缺少嘅材質，缺少木質或是木材傢俱太少，會令中式風格大打折扣，尤其係選擇中式客廳屏風時，選擇帶有木質底座嘅屏風係最好不過。空間上講究層次，多用隔窗、屏風來分割，用實木做出結實框架，以固定支架，中間用欞子雕花，做成古樸圖案。
(以上圖片均來自網路，如有任何版權問題，請與本站聯絡)
