第173伏 - 裝設公司的不同性格
2016年01月02日
0
140981
接觸不同裝設公司期間，我發現唔同公司真的有唔同性格。
隨意列三樣，大家搵師父時可以留意下：
(1) 要大唔要細/要仔唔要乸？
- 有設計師覺得「間屋大、預算寬，先有得發揮。」
- 有設計師覺得「間屋細先考設計功力，預算緊一樣可以做到好設計。」
(線索：如果你住在嵐山劏房，而你的設計師show俾你睇的示範圖都是大單位工程，咁你
就要小心啦！)
(2) 手工好掂，但設計不是一般的老土
有些公司功夫很好，但就是很老派。喜歡其風格的，一拍即合；不喜歡的，樣樣野都要執
，煩都煩鬼死你。(線索：睇示範單位時，見到「唔順超」的東西，問下「呢樣野有冇其他
做法」可以xx些，睇下佢點講...)
(3) 很有設計風，其實「一招走天下」
有些公司只有一招，就是「簡約」。同樣，喜歡其風格的，一拍即合；不喜歡的，你麻煩
了，一係你俾埋張示範圖佢抄住黎做，如果唔係肯定很多不協調、不和諧。(線索：睇下佢
俾你睇既舊作是否同一風格，如果你唔buy簡約風，開心見誠咁傾下。盡量利用到佢既長處
，同時達到你既目標。)
其實仲有好多，「重視設計但不擅裝修」、「用料講究但服務不周」、「服務超好但經驗
有限」、「追求剎那光輝不考慮住落的變化」...因此，睇野比較負面，或者比較挑剔的戶
主，其實是容易中伏的。因為他們會因為一些小問題而覺得間公司唔好。其實，間間公司
都有不完美的地方。最重要的，是他們擁有你最重視的東西！你找不到任何不完美的地方
，有可能你遇著一個完美的，或者你只是遇著一個狡猾的。
所以，圖中的問題：有必要找「做過我屋苑」的裝設公司嗎？
答案是：不。
原因很簡單。你能夠接觸的公司，理應不會比我認識的多。如果你一刀切，要「做過你屋
苑的公司」幫你裝修，我肯定你的選擇會大幅減少，很多比此更重要的選擇因素，都被抹
殺了...其實你只需要將你屋苑最大問題找出，然後考下間公司，那就足夠了。再不然，問
下公司是否有做同一「類」屋苑的經驗，亦有幫助！當然，我亦會建議各位戶主找我配對
合適的師父，兩邊都不收費，純粹賣下人情，佢地又分享多些伏俾大家咁解！~
