裝修佬話你知：木門翻新方法
2016年10月21日
10
379214
木門一旦有損壞，好多人第一個諗法就係換新嘅，其實，損壞嘅木門只需要翻新舊可以重新使用，而且成本少，比換新嘅木門划算得多。翻新木門除咗搵裝修師傅之外，原來自己落手落腳都可以完成到，仲非常有成功感添。當然，你需要做足功課，以下跟裝修佬學下翻新木門嘅方法part 1啦！
唔同情況唔同處理方法
木門多作為室內門，其外觀對於整個家居效果有很大的影響。對於木門的翻新，需要針對不同的破損情況，採取不同的應對方案。
木門基底出現損壞
如果木門基底出現損壞，比如某個地方出現了裂紋或者坑，處理嘅方法就稍微複雜D，即係油油漆覆蓋之前，需要先對被破壞嘅地方補底灰，填平，然後再用砂紙打磨，再油底漆同面漆。
木門面層出現損壞
如果木門只係面層出現劃傷、難以擦除嘅污漬等比較輕微嘅破損情況，可以考慮直接油油漆覆蓋。
裝修佬提示
門一般都上過蠟，首先需要將木門用砂紙打磨一次以提高油漆的附著力，然後直接油底漆同面漆。
木門翻新油漆選擇
除咗針唔同嘅破損，採取唔同嘅處理方法外，木門翻新仲需要注意嘅問題就係翻新油漆嘅選擇問題。由於油漆對木門翻新嘅質量同環保性影響很大，選擇嘅時候一定唔可以馬虎。
翻新油漆最好選同類漆
木門翻新嘅時候，最好選擇同木門原始漆相同類型嘅油漆，一般來講，使用同種漆嘅附著力會相對較好。如原先用嘅係油性漆，咁就最好用返油性漆，咁當然，用唔同類型嘅油漆，對木門嘅翻新質量影響唔會太大。
油漆介紹
基本上，油漆可以分成三種：即水泥漆、乳膠漆，以及調和（油性）漆。
最常見聽到嘅就係水泥漆，有水性同油性嘅區別，全部以清水作為稀釋劑，通常會用係室內室外嘅水泥牆面。而水泥漆又有平光（無光）、半光同有光三種，一般來講油起身粉粉地無亮澤感嘅都係平光水泥漆。水泥漆仲有三個特性，就係比較好油、比較好清洗，同埋無毒性（油性漆相無咁大陣味）。但係因為比較容易清洗，所以無咁防水，容易整污糟，漆面嘅壽命較短。
乳膠漆，俗稱塑膠漆或PVC漆，佢嘅功用其實同水泥漆相似，無毒無臭環保綠建材，亦係室內牆面常用嘅選擇。不過由於乳膠漆嘅價格較高，通常如果係牆面積較大，預算有限就會選擇較平嘅水泥漆替代。乳膠漆既然單價較水泥漆貴，係因為防霉同抗菌性能好，而且比水泥漆更耐用，乳膠漆仲有提供電腦調色嘅選擇。
第三種就是調和漆，即油性漆，油起身有明顯嘅油亮感，主要使用長油性嘅樹脂顏料、乾燥劑同揮發性溶劑如香蕉水（天拿水）、松香水等調配而成，味道較為刺鼻。調和漆主要係在木材、金屬製品，或外牆。優點在於可以防止水氣進入，延長壽命，唔容易整污糟。
(以上圖片均來自網路，如有任何版權問題，請與本站聯絡)
