第220伏 - 「切斷鋼筋，實屬平常」？
2016年02月18日
1
181169
間中都有戶主send一些驚慄圖俾我。
例如：牆身開左一個門位，門上和左右都有被齊口切斷的鋼筋(咁我梗係唔會post原圖啦)
。然後戶主問：「咁做有冇問題？」
師傅可能告訴你：「樣樣跟足規矩咩都唔駛做架喎！你改什麼東西理論上都要入紙喎！」
其實錯唔哂。不過，戶主要考慮每一樣違法既野，所帶來既危險性同法律後果的嚴重性。
跟其他人一樣晾衫出窗，同以上提到的case，違法的程度好唔同。
法例說：主力牆不能破壞。
如果破壞，屋宇署有權封你屋勒令還原。
雖然有D野，「唔少人都悄悄做」，但「鑽穿佢過條喉」、「切斷一條阻住你條暗喉的鋼
筋」、「強行切斷所有橫橫直直的鋼筋開道門」，程度是不同的。戶主亦要考慮，管業署
有可能上黎查，亦聽過有案例是媒氣公司職員上來整野，見戶主咁豪邁咁破壞主力牆而「
多事」告發戶主...
我當然唔鼓勵大家犯法。不過如果戶主自己選擇咁做，記得記得要做番相應既保固措施例
如用工字鐵代替原本鋼筋既部分功能。當然，咁做仍然是犯法，法律責任不會因此減少，
但至少，如果裝修公司保固做得專業，至少危險性會大大減低先。
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
關键字：
