減少塵埃我有計

2018年12月06日

344255

日常生活中，無論你再常打掃屋企都好，塵埃都依家存在… 有陣時冇打掃一兩個星期，塵埃更加係可以積到幾吋厚… 原來塵埃容易積聚，好可能係同生活習慣同埋所用嘅日用品有關o架 ~ 想知道點樣有效減少家居塵埃問題就要睇睇裝修文章喇 !

番到屋企立即除鞋換衫

經過漫長嘅一日之後，衫褲同鞋都會黐滿大量塵埃，如果番到屋企唔即時換睡衣、唔除鞋就周屋走嘅話，就會令係抹極都仲係一屋塵嘅喇 !

電器唔好用待機模式

當電器喺待機模式嘅時候，其實仲係帶電，帶電嘅電器係會吸引塵埃 (最常用到待機模式嘅電器就係電視機喇)，所以當電器未有需要用嘅時候，最好就能夠將電源完全切斷，咁就有效減少電器表面嘅塵埃喇 ~

減少使用針織物料

屋企裡面嘅針織物料，例如係窗簾、被、布梳化等等都好容易令塵埃積聚。只要減少使用一些不必要嘅針織物料，例如係選用布梳化就可以避免塵埃堆積。加上定期清洗床單、被同埋窗簾等物品，都能夠減少塵埃o架 ! 如果唔能夠能清洗嘅物料，例如係布梳化等，亦都要經常吸塵、打掃一吓呀 ~

善用收納箱

報紙雜誌其實係好黐塵埃o架，而且亦唔容易清潔；所以如果大家係鐘意睇報紙雜誌嘅話，最好就用有蓋嘅收納箱整理好報紙雜誌，咁樣就冇咁容易積塵而且更加令日後打掃更容易喇 !

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修佬; 裝修; 塵埃; 家居; 減少;