睡房風水禁忌你知幾多?(上)
2018年03月12日
15
161847
睡房係休息嘅地方，由於睡房停留時間較長，一般會比較注重舒適程度，從而忽略咗風水嘅重要性。其實睡房都有好多風水問題需要注意，究竟可以係邊方面著手？裝修佬話你知。
睡房幾大先合適?
睡房太大，風水之氣容易淡散，夫妻易爭執;住係太細嘅睡房空間，久而久之會影響屋主嘅身體健康及精神情緒;所以睡房不宜超過100尺，小於30尺。
睡房適合咩形狀?
睡房形狀以方正為宜，不宜窄長，咁樣才有利於通風，睡房門不可直對廚房門，床頭要靠牆。
睡房要有窗
睡房不可無窗，光線太暗，或空氣唔流通，易導致陽氣不足;床頭不可係橫樑下，天花板宜平坦，忌有橫樑。
睡房適合養金魚嗎?
係風水學來講，睡房唔適合養任何動物。雖然話養魚可以添加生氣，但如果處置不當嘅話，會容易有破財問題。
睡房病理有邊D禁忌?
1、廁所門不可對床頭--主痛風、風濕、頭痛。
2、睡房門不可對床頭--主神經痛、頭痛。
3、床頭不可靠在廁所牆--主腰背痛、風濕痛。
4、床頭不可靠窗--易缺乏安全感、造成精神緊張、影響健康。
睡房風水寶物
風車
風車並非中國特有，係其他國家亦可以見到;只要善信用手轉動風車，則來年風調雨順，財運享通，身體健康。
五寶獸
一般來講五寶獸包括有「老虎、蜘蛛、蛇、蠍子、蜈蚣」，無論如何都要有老虎，然後同其他四類擺放一齊。
葫蘆
葫蘆有除病之用，一般掛係病者睡床前或擺放在病者床側，葫蘆可採用天然葫蘆瓜晒乾成品或銅製葫蘆。
鳳凰掛畫
鳳凰被譽為瑞獸，比孔雀仲高貴，係居室內掛呢類圖畫代表容易招貴人。
水晶球
水晶球能夠將能量擴大，所以係睡房內擺放水晶球，有催吉納財含意。
