收到DIY班舊生戶主報告... 如圖。
而家有D發展商真係幾無良,樓又貴,工又差。
你新樓入伙一般唔會重鋪地磚,但兩年貨仔,天一凍就谷起爆出黎。算點呢?
呢個post想苦主們出聲,讓大家睇下邊個發展商最屎!
有爆磚情況,請寫咩發展商同幾耐樓齡。當然,裝修後出事都可以分享下!
磚炒起的最常見原因:
(1) 磚差
(2) 手工唔掂
點樣避免:
(1) 鋪牆身磚一定要浸水
(2) 鋪地磚唔建議教師傅點做,但如果空心磚就唔收貨
可以點算:
(1) 先問下管理處同立案法團,有冇野可做
(2) 再考慮下係咪已經過左最凍,費事你呢頭修,那頭又爆
(3) 諗清楚係咪重鋪谷起既磚,因為會有色差
(4) 如果打算蓋塊地毯就算,可以自己DIY用英泥填左個洞
(5) 又或者在上面鋪薄身既膠地板或無縫地板,也可以這樣做,但要先睇睇門腳夠唔夠位
歡迎提供其他解決方法建議。
---課程及講座---
↓ ↓ 即將裝修的朋友,極度推薦要參加裝修防伏班啊~~
本文章內容及圖片均由本專欄作者提供及上載,並不代表本公司立場,如有任何版權問題,請與本公司聯絡。