裝修佬教你如何清洗自家冷氣機

2016年08月04日
17
358377
隨著社會嘅進步,冷氣機已經逐漸步入每個家庭。冷氣機為我地帶來清涼,令我地有舒適嘅環境,可謂係夏日神器。長期使用冷氣機嘅朋友會發現,冷氣機係工作一段時間之後製冷效果差咗,仲有陣異味伴隨,如果長期係呢種環境中,會出現頭暈、乏力、感冒等症狀。其實,係冷氣機內部積塵、細菌隨著風向室內,令空氣細菌含量上升,空氣質量差咗,自然影響人體健康。睇到呢度,不妨打開你屋企部冷氣機嘅外殼,你就會發現你有清洗嘅必要,如果請師傅清洗每部機費用差唔多成千蚊,而裝修佬今次教大家嘅方法唔使100蚊。以下就跟裝修佬學下清潔冷氣機,還自己清新空氣。


裝修佬教你如何清洗自家冷氣機

首先你要拔咗電源插座,以防發生漏電、觸電意外。然後將冷氣機外殼打開,(如果手開唔到可以用一字螺絲批輕輕撬開,小心唔好整爛外殼)。打開之後,輕輕向上推就可以將濾網拆落來,如果冷氣機位置太高抹唔到外殼可以成個拆出來直接清洗。



裝修佬教你如何清洗自家冷氣機

將外殼同濾網拆走之後,再用乾淨濕毛巾抹冷氣機四周。然後你需要一個垃圾袋、透明膠紙。將垃圾袋一開二,透明膠紙黐係左右兩邊,預防等陣噴冷氣機清潔劑時污水滴到其他地方。

裝修佬教你如何清洗自家冷氣機

其實單單清洗外殼、濾網係唔夠架,最污漕係冷氣機內部嘅蒸發器,將專用嘅清潔劑(小編係超市購買嘅冷氣機清潔劑,價格HKD58)搖勻後均勻咁噴係蒸發器上面,記得噴之前要開窗通風,然後靜置10分鐘。



由於積塵情況實在太嚴重,自來水沖唔走濾網上嘅污垢,小編用刷加上清潔劑刷先可以刷乾淨。清洗乾淨用乾布抹走上面水分,記得唔好攞去太陽底下曬,過濾網係膠製品,經唔起高溫。最後等其乾爽後裝返原先位置便可。 


裝修佬溫馨提示 

每年洗冷氣機最少2次,係夏天用前及秋天時清洗,以達到殺菌、消毒、去除微生物滋生、消滅細菌根源,延長冷氣機使用壽命,尤其係濾網,濾網可以起到過濾粉塵、病菌同有害氣體。最好每日可以開窗令室內空氣流通,避免室內潮濕環境滋生細菌。

呀J
314篇
搵緊裝修?
裝修佬免費網上裝修配對服務幫到您。
  •  免費上門度尺報價
  •  12小時內專人回覆
  •  專業意見專人跟進
立即查詢
1. 地區
2. 聯絡資料
不要以WhatsApp聯絡我
3. 補充資料
裝修佬科技有限公司的隱私政策
而家登記,送您半日裝修防伏班!
不需要裝修防伏班
馬上預約 暫時不要
立即試用裝修佬免費配對服務!