裝修佬教你玄關室內設計
2016年08月08日
10
142699
玄關係家居嘅出入口，係我地首先接觸嘅空間，亦都係予人對屋企嘅第一印象。玄關雖然係屋企所佔嘅空間唔大，但兼顧住同成個空間嘅連貫性，亦都體現住業主嘅生活習慣同品味，所以無論係設計、裝飾、燈光方面都唔可以馬虎。裝修佬今次就教大家設計玄關位置。
利用藝術品、掛畫增加藝術氣息
玄關擺放藝術品或掛畫，唔單止可以增添家居藝術氣息，更可反映出業主嘅生活品味。如果加上投射燈或軌道燈更勝一籌。可以依照飾品嘅大細及位置做出局部或重點式照明，強調飾品嘅價值同風格取向，塑造出另一種美感。
巧妙利用天花燈光
嵌燈係玄關最常使用嘅照明燈具，因為內嵌入天花燈光，照明效果並無減弱，而其內嵌方式同足夠高度，可以避免玄光刺激我們嘅眼，普受歡迎。
裝修前要預計收納問題
鞋、雜物收納係玄關設計最困難嘅課題，設計時要充分利用尺寸同空間，再考慮業主嘅所需容量去定奪鞋櫃、置物櫃嘅大細。鞋櫃高度、厚度，置鞋數量，櫃內嘅通氣性、乾燥性都需要考慮到。
利用隔斷設計
係玄關空間唔充裕嘅狀況下，半開放式嘅隔斷設計多數就會出現，既唔會造成空間壓迫感，亦可兼顧到風水問題。玄關隔斷造型無論係開放或半開放，選用任何材質設計，都具有引導趨向作用。玄關地面嘅材質，最好使用耐磨、易清洗、防滑同具吸音材質，例如大理石、地磚、塑膠等。
利用鏡增加通透性
係玄關位置擺鏡，一方面可以係臨出門前梳整儀容，另一方面鏡具有令室內光線明亮嘅效果，所以不妨考慮係玄關位置擺塊鏡。但擺放位置最好唔好對正門口，不利於風水。
(以上圖片均來自網路，如有任何版權問題，請與本站聯絡)
