室內設計經驗分享: 裝修佬教你設計細單位廁所
2016年08月13日
1
143076
為配合年輕人買樓，現時樓盤越出越細，相信好多朋友都會遇到難題就係屋企個廁所好細，好有壓迫感。其實，只要你識得運用技巧，合理盡用空間，就可以住得舒適。以下裝修佬教你室內設計細單位嘅廁所，希望幫到你。
開放式廁所令空間感放大
有啲廁所因為戶型問題採光不足，開窗位置又好難改變，光線暗顯得空間更加細，其實我地可以利用房間其他空間光源，大膽採用開放式設計，安裝透明玻璃，同睡房合二為一。唔單止係視覺上更加通透，對於年輕夫婦來講可以增添情趣。
利用鏡延伸視覺空間
鏡肯定係廁所必不可少嘅物件，佢除咗可以方便我地梳洗整理儀容，仲有擴充視覺空間嘅作用。如果廁所嘅鏡多，可以互相映射令空間更為明亮。仲有一種方法更為實用，就係鏡櫃。鏡櫃關門係鏡，打開係一個可以收納日用品嘅櫃，既節省空間又起到美化空間嘅作用。
乾濕分區善用玻璃淋浴房
細空間嘅廁所只要巧妙利用玻璃淋浴房，就係採用圓弧形或者三角形嘅淋浴房，就可以好好咁利用轉角嘅死角，盡用每吋空間。
移動門代替對開門
傳統對開門係打開關閉過程中會佔用比較大嘅地面面積，特別係面積細嘅廁所，採用移動門或者捲簾門，可以係好大程度上節約空間。
明亮色系增加視覺效果
一行入廁所首先會觀察到嘅係整體風格色調，所以色彩係提升空間嘅一個殺手锏。整體通白嘅牆面瓷磚可以好好咁開闊咗室內光線，搭配白色嘅浴具組合，細空間自然增加明亮感。另外鮮色系都唔錯，對比強烈色彩搭配可以活躍氣氛亦更具視覺衝擊力。
掛牆式設計增加收納空間
現時市面上各種掛牆式多功能嘅浴具好多，無論係洗手盆，還是馬桶，都可以預留出空間，為細空間廁所設計，可以最大限度節省空間，又加強收納，整體嘅收納令廁所望落更大。
選擇恰當浴缸
一般我地為咗節約空間而捨棄浴缸，其實市面上有圓形、半弧形、三角形、梯形等小而深嘅浴缸係適合細戶型嘅廁所。另外仲可以將浴缸同淋浴房結合，既一舉兩得又節省空間。
(以上圖片均來自網路，如有任何版權問題，請與本站聯絡)
