室內設計經驗分享:教你隱藏屋企牆上橫樑

2016年08月14日

143069

橫樑係房屋建築入面支撐建築物嘅樑，橫樑有大有細，似乎房屋結構而定。橫樑雖然唔會阻礙日常生活，不過橫樑較大會為空間帶來壓逼感，而係風水學上來講仲係大忌。今次裝修佬教大家點樣去隱藏屋企牆上嘅橫樑。

圓弧包覆設計

如果橫樑所在位置較為明顯，且深度唔係特別大嘅話，咁可以用圓弧完全包覆設計，以此來降低橫樑周邊嘅落差同壓迫感，令天花線條較為順暢嘅同時，亦將橫樑輕而易舉咁隱藏咗。

圓弧包覆+間接光線

不規則嘅天花設計，圓弧包覆加間接光線，令細空間都會有豐富嘅視覺層次。以弧線順出動線，化解狹窄空間嘅壓迫感。唔單止達到修飾樑柱嘅效果，仲可以裝隱藏式冷氣機。

圓弧過渡設計

位於頂部嘅橫樑，想消除可以選擇圓弧包覆來修飾，係裝修前，一定要留意圓弧要符合橫樑嘅大小，令成個弧形線條更柔和順暢。

橫樑包覆設計

如果客廳之中橫樑靠近牆邊，最常見嘅解決方法，就係採用造型包覆設計，隱藏或轉移視線注意力，降低壓迫感。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：室內設計; 橫樑;