裝修佬教你傢俱選購，歸整凌亂空間
2016年08月17日
17
374398
一個整齊嘅屋企可以令你心情愉快，但好多朋友就會抱怨，豆腐潤咁細，位置唔夠用就自然立立亂架啦！此言差矣，其實只要你識得裝修設計、合適傢俱，就可以有整齊舒適嘅屋企。以下裝修佬教利用傢俱，歸整凌亂空間。
客廳
利用電視牆
電視牆一般係以款式為主，但如果收納空間不足嘅情況下，可以將電視牆加裝為電視櫃，將書籍、雜誌、CD、日用品等全部整齊放好，仲可以擺紅酒、藝術品等。
隱藏式儲物茶几
一款實用嘅茶几對於打造一個整齊嘅客廳相當重要。枱面由可升降嘅兩部分構成，帶有內置收納櫃桶嘅茶几，可以收納平時坐係沙發上經常會用到嘅物品，例如書籍、紙巾等。
收納客廳櫃同茶几
客廳係活動較為集中嘅空間，沙發、茶几周圍嘅物品較多，收放不當就好容易產生凌亂感。解決問題嘅有效方法係選擇一款合適嘅客廳儲物櫃，將平時利用率唔高嘅物品集中放置，如果再搭配上使用方便、能夠將常用品合理放置茶几就更完美。
睡房
地台床
屋企嘅日用品、衣物、被鋪等，想完全收納曬就需要足夠嘅空間，地台床既可收納得隱蔽，仲唔佔空間，一舉兩得。
床頭櫃
同床、衣櫃等相比，床頭櫃雖細，卻功不可沒。可層疊、分開使用嘅床頭櫃，既可以滿足瞓前閱讀放置書籍嘅需要，仲可以係床上面食早餐，啱曬好似小編咁嘅懶人。
廁所
帶櫃嘅枱式洗手盆
廁所係另一個需要解決收納問題嘅生活空間，枱式洗手盆可以化腐朽為神奇，將日用品統統收納係入面，令廁所更整齊乾淨，尤其適合細面積用戶。
收納鏡櫃
鏡櫃係提高廁所利用率嘅法寶，可收納較細件嘅日用品。鏡面仲可以增加視覺效果、整理儀容。
(以上圖片均來自網路，如有任何版權問題，請與本站聯絡)
