裝修佬教你清洗電熱水器
2016年08月21日
13
372006
電熱水器未用過應該都有聽過，不過逐漸都俾煤氣熱水爐取代。電熱水器安全、環保、安裝維修簡單、使用壽命長等嘅好處，現時小數家庭都仲用緊。熱水器同冷氣機嘅道理一樣，長期間使用而唔清洗嘅話會影響人體健康。熱水器入面會存積水垢，對肌膚造成長期損害，促成肌膚老化、鬆弛、毛髮脫落，仲可能產生頭屑、青春痘、濕疹等皮膚病。當然上述嘅問題都係可以避免嘅，裝修佬今次教大家清洗電熱水爐，一齊分享俾你身邊嘅人知啦！
清洗電熱水器內膽
1.準備工作：斷電，放水。放水：關閉入水喉嘅三角閥(唔俾熱水器再進水)打開入水喉嘅放水閥放水，同時熱水喉要打開，否則水放唔出來。放水過程快慢，取決於內膽入面嘅雜質，如果雜質太多塞住，時間會更耐。
2.擰走電熱水器內膽側面嘅蓋，就可以見到一個窿。
3.依次拆走加熱器墊圈，加熱器，溫控器。
4.將內膽底部殘留嘅水垢全部清除乾淨。
5.按照拆嘅過程逆向重新安裝返去，重要係在於加熱器一定要安裝好，切實同密封圈壓緊，以防漏水。另外，膠外罩嘅調溫製要同溫控器嘅製對應返。
6.關閉排水閥、打開入水閥同熱水閥，直到熱水喉入面有水流出再接電源，將溫控製設置到合適嘅位置。
電熱水器排污口清潔
通常，電熱水器係排水口同入水口隔離都會設計一個排污口，可能電熱水器安裝時大家唔留意，通常排污口唔會用，只有係需要清潔時，先會用到排污口。
其實排污口嘅原理好簡單，撬開排污口，等內膽入面嘅水自然流出，能夠帶走部分沉積嘅雜質同水垢。不過對附係內膽同鎂棒上嘅水垢基本上無任何效果。
通過排污口清潔熱水器，首先要斷電，關掉入水閥，等膽內熱水冷卻後，打開排污口，等污水流出，流光後再打開入水閥，令自來水流入內膽再從排污口流出。
清洗電熱水器，最好先將電熱水器拆落來放係地下，以免污水四濺，排污閥收得比較埋，擰開會麻煩啲。
(以上圖片均來自網路，如有任何版權問題，請與本站聯絡)
