裝修佬話你知: 油漆施工須知
2016年08月22日
29
347090
今時今日好多人都會自己落手落腳執下間屋，畢竟而家物料、人工貴，親力親為可以慳錢之餘仲好有成功感，仲可以揀自己鐘意嘅顏色，何樂而不為。唔同色彩嘅牆面帶俾你唔同風格、感覺，佈置起上來就更話咁易。其實牆面油油漆唔難，只需要買幾桶油漆返來就可以開工。不過油之前你需要知道油油漆嘅注意事項，以下裝修佬同大家逐一講解。
嚴格按產品配方進行配比
使用前要嚴格按照油漆標籤上提供嘅油漆同固化劑嘅比例來進行勾兌，唔可以隨意增加或減少，如果唔係勾兌出來嘅油漆係油完後易出現咬底或者開裂嘅情況。係配漆過程中一定要均勻攪拌，採用過濾布進行過濾，濾後嘅油漆要靜止15分鐘消除攪拌過程中產生嘅氣泡。
門窗邊框保護好
由於油漆唔容易清洗，所以係牆面油漆嘅時候要對門窗做好保護，可以用分色紙將門窗同傢俱嘅邊位做保護。牆面係油漆之前要做好牆面底漆工作，一面底漆無做好造成漆面返潮就會影響效果。
刷漆順序
牆面油漆先油頂，然後線條，然後係牆面，而且牆面刷漆至少要兩次。
修補細節
一般用滾筒油漆後，牆面會留低一啲瑕疵，雖然細，但係就影響牆面嘅整體效果，所以就要修補細節。需要用筆刷對牆邊同牆角漏油嘅地方進行補漆。等到牆面乾曬後，用紗紙對牆面進行打磨，將唔平整嘅刷痕磨平，令牆面更光滑。但係打磨嘅時候需要用手感來判斷牆面嘅光滑度，而且打磨力度要適中。
色彩選擇
冬天寒冷天氣會令人產生錯覺，會係不知不覺中會揀咗暖色調，而到咗夏天再睇返暖色調就唔係咁舒服了。所以係裝修時要採用一啲適中嘅顏色，比如白色。即使由於個人原因非常鐘意暖色或冷色，都需要適中嘅顏色來調節。
適當加大稀釋劑使用
油漆嘅粘度會隨著溫度降低而增加，所以係氣溫低嘅冬天，需要增加稀釋劑嘅用量，以調出黏度適中嘅做油漆備用。
開窗通風要留意
裝修緊嘅時候，會有甲醛等有害氣體存在，所以好多業主係裝修時習慣開窗，其實並唔係窗一直開住就好，開窗都要分時候，特別冬天時候，中午前後溫度較高，可以適當開窗通風，而早晚溫度低就唔適宜開窗，令油漆受凍。未乾曬嘅漆面受凍，會係回暖後出現變色、起皮嘅現象。冷空氣來臨時，氣溫嘅驟降對油漆可以話係致命打擊，要及時關窗，以免破壞油漆表層，引起各種開裂現象。
維持施工現場整潔
雖然冬天乾燥但係氣溫低，油漆乾燥時間長，油漆表面同空氣接觸嘅時間就會長，容易粘附係空氣嘅灰塵，導致油漆表面粗糙唔光滑，所以需要格外注意空氣環境衛生，減少灰塵。
