入牆櫃訂做 - 入牆衣櫃嘅好處
2016年08月23日
5
396237
傳統嘅衣櫃係傢俱中最大型嘅儲物箱，舊時裝修我地對儲物要求低，隨著社會進步，現時衣物種類越來越多，普通一個衣櫃已經遠遠唔能夠滿足到我地嘅需求。同傳統衣櫃比，入牆櫃訂做對空間嘅利用率更高，同室內裝修設計融為一體，增強視覺效果，增大空間感，提高使用率。由於係根據房內實際情況量身定做，更可滿足自己嘅個性需求，如果居室面積細，入牆衣櫃係好唔錯嘅選擇。究竟有幾好？裝修佬話你知。
入牆式衣櫃節省空間
現時入牆衣櫃非常靈活，根據自己屋企尺寸定做。其實，對於大多數家庭來講，都唔會有一個專門嘅衣帽間，不過我地可以利用牆體角落，做無門嘅入牆衣櫃，令佢睇起身好似專門嘅衣帽間一樣，唔單止方便實用，仲實實在在咁節省空間，一舉兩得。
入牆衣櫃靈活性高
入牆衣櫃唔單止係收納雜物、整理空間嘅好幫手，仲可以平整室內空間，無論係款式、尺寸同形狀都一顆配合家居獨特性。入牆衣櫃內部結構，由若干分櫃組成，自由度極高，亦可因應客戶需要自由組合，除咗層板可以隨意調高調低，更可因應需要而加入櫃桶。另外，櫃體功能可隨意升級，如加試衣鏡、電視機架、格仔架、L架、褲架等。
款式多樣
除咗內部構造設計，入牆衣櫃嘅外表要同居室混為一體，先會有符合擴寬空間嘅效果，新一代嘅入牆櫃，櫃體同櫃桶有多種顏色選擇，可同地板、書櫃同一種顏色，而門板嘅正反兩面可選擇唔同顏色。現時歐洲流行一板兩色嘅新型板材，類似手機殼隨新換功能。
(以上圖片均來自網路，如有任何版權問題，請與本站聯絡)
