裝修佬話你知:布沙發VS皮沙發
2016年09月21日
10
396202
沙發係裝飾客廳嘅重點，相信有好多朋友係購買沙發嘅時候都會苦惱，究竟係經典耐用嘅皮沙發好還是款式豐富新穎嘅布沙發好呢？凡事無十全十美，以下裝修佬集合咗布沙發同皮沙發嘅優缺點來同大家作比較、分析。究竟結果係點？裝修佬話你知。
皮沙發優點
皮沙發嘅優點款式大氣高檔、方便清洗打理、結實耐用等，簡潔易搭配，最重要嘅係皮沙發質感好，坐感舒適。
皮沙發缺點
皮沙發價格都比較貴，款式較單一，易有刮痕。
布沙發優點
布沙發俾人感覺溫馨，款式豐富多樣，透氣性能好，價格實惠，布料材質多，唔同材質唔同質感。
布沙發的缺點
容易污糟，難清洗打理，容易凹陷變形，潮濕天氣會容易發霉，容易滋生螨蟲。
款式比較
真皮沙發典雅大方，布藝沙發輕巧柔和，款式較新穎，色彩多變，非常適合年輕人品味。布藝沙發面料品種多，絲質、綢緞面料沙發高貴，粗麻。燈心絨沙發沉實、厚重。
皮沙發無論從造型上還是面料上，都顯得豪華氣派、沉穩莊重，特別係闊落嘅客廳擺皮沙發，提升整個家居層次。
價格比較
真皮沙發分為全皮沙發和半皮沙發，全皮沙發價值高，透氣環保性能好，歐美等發達國家普遍使用全皮沙發。半皮沙發係沙發背部、底部同其他一啲隱蔽部位以PU或人造皮代替牛皮，但人體直接接觸部位仍為價值較高嘅牛皮，從而降低咗皮沙發造價，比較經濟實惠。而布藝沙發材質以布為主，相對價格會較低。
手工比較
皮沙發處理工藝係非常繁瑣而複雜，需要經過多道工序，其中有好多係純手工製作打造，品質自然係一流。布沙發相對於皮沙發來講，工藝比較簡單，多採用機械化生產製造。
壽命比較
皮沙發嘅使用壽命長呢點係毋庸置疑，而布沙發使用壽命則相對較短，一般過幾年就變舊座位凹陷，需要更換。
保養比較
布沙發係日常生活當中需要小心呵護，雖然布可拆落來清洗更換，但係填充物係無法清洗，因為布料透氣，潮濕氣候容易發霉，容易滋生螨蟲。皮沙發保養簡單，平時只需用乾淨抹布清洗便可，簡單方便快捷。
裝修佬總結
皮沙發舒適、大方氣派、使用壽命長、容易清洗保養等，雖然款式方面會較單一，但越簡單會越耐看。布沙發款式多、透氣性能好、價格實惠之外其他方面會略輸皮沙發。優質嘅皮沙發係非常耐用，保養簡單，非常適合平時忙於工作無太多時間打理嘅朋友。
(以上圖片均來自網路，如有任何版權問題，請與本站聯絡)
