室內設計經驗分享：工業風格裝修注意事項
2016年09月23日
34
142687
之前同大家介紹咗工業風格嘅設計技巧，相信大家對工業風都有一定程度嘅了解。如果你心郁郁想將屋企變做工業風之前，你需要做功課，再深入了解下裝修工業風格嘅注意事項。以下裝修佬話你知工業風格裝修嘅注意事項。
注意顏色搭配
工業風格裝修設計當中最重要嘅係成個設計嘅顏色搭配。無論係咩風格嘅裝修設計，顏色搭配都係不可忽視嘅設計要素，因為唔同風格嘅體現往往要依靠唔同色彩元素嘅搭配。工業風格俾人嘅印象係冷峻、個性，所以係工業風格嘅室內設計一般唔會選擇藍色、綠色、紫色等色彩感過於強烈嘅顏色，而會儘量選擇原木色、灰色、啡色等顏色，以更突顯工業風格。
唔同款式要注意色彩同線條感
工業風空間嘅餐枱最常出現實木或拼木枱板配鐵制枱腳，但切記枱腳嘅造型要同空間嘅主要線條相互配合，先會不至於產生唔協調嘅唐突感。另外，不鏽鋼、水泥、甚至磁磚拼貼枱板亦係搭配工業風嘅唔錯選擇。
要體現工業元素
首先要知，工業風格嘅家居牆面都係非常獨特嘅，大部分屋企係牆面裝修時會選擇磚牆設計，亦係直接裸露紅磚構成牆面，唔需要對牆面批灰、裝飾等，需要注意，並唔係所有牆面裝飾都適合裸露磚，如天花板牆面，為咗保證居住環境嘅安全同穩定性，天花板常會採用偽牆面造型，即同牆面油復古油漆或磚紋牆紙。
注意傢俱選擇
眾多工業風格裝修設計當中，都會發現設計師挑選嘅傢俱都係非常有個性，比如外表望落破舊嘅收納箱、生銹嘅金屬餐枱櫈等。呢D傢俱並唔係本身就咁破舊，而係為咗表現出工業風格嘅特色而設計。
茶几材質應要同沙發相呼應
茶几同沙發、主人櫈會構成客廳整體視覺畫面，例如木架沙發，可搭配木質、木搭玻璃、木搭鐵件茶几或舊木箱，皮沙發通常有金屬腳嘅結構，可選擇金屬搭玻璃、金屬搭木質、金屬搭大理石等。
拼接枱面要注意木色同花紋
實木拼接枱板挑選時著重拼木花紋是否一樣，木色是否符合空間配搭。而舊木拼料嘅表面通常為上漆處理，質感較粗糙，因每塊木質唔會相同，熱漲冷縮嘅現象可能比較明顯，使用上可搭配枱墊，如果想保持原始質感，裝修佬唔建議打磨處理，以免破壞色彩及同紋路。
木質枱面要注意是否會割手
工業風格枱常見使用回收舊木或金屬鐵件，質感上較為粗獷，要注意枱邊緣是否會割手，枱面如果係原木亦要用手觸摸，睇下會唔會易刮傷皮膚嘅問題。
(以上圖片均來自網路，如有任何版權問題，請與本站聯絡)
