裝修風水學：家居植物擺放禁忌
2016年10月01日
14
182244
擺放植物可以陶冶性情，充滿生機嘅植物令人賞心悅目，既有裝飾效果又可令屋企人心情愉快，簡直一舉兩得。之前同大家分享咗適合客廳擺放嘅植物，相信大家對擺放邊類植物已經有一定程度嘅了解，今次裝修佬同大家分享下家居植物嘅擺放禁忌，幫助大家將自己鐘意嘅植物擺係適合嘅位置。
植物具有強烈嘅風水效應，其色澤同外形會影響住宅嘅氣能。而枯萎、生長不良嘅植物會對家居風水產生負面影響。所以一定要細心打理，保持旺盛生長狀態，先可以對屋企人嘅運勢起到正面促進作用。
植物擺放以唔妨礙人走動為宜。擺放時候要注意中小搭配，以達到錯落有致嘅視覺效果。比如較大嘅植物，可擺放係客廳入口處、角落等唔影響走動嘅地方;小型觀葉植物，可擺放係茶几、電視櫃、儲物櫃、轉角沙發位。
通常家居中植物擺放應以中、小型嘅植物為主，而唔選用大型植物，以免因為視覺原因，令客廳產生壓迫感。
客廳中植物首先應著眼於裝飾，所以數量達到裝飾目的便可，不宜過多，否則會俾人雜亂感覺，而且會對客廳嘅氣流有影響，導致客廳陰氣過重。
植物風水作用主要有生旺即常綠植物，二係化煞即仙人掌類植物。一般來講，葉係尖狀、針狀嘅植物有煞氣，除非係用來化煞之用，否則會對風水有不利影響。而圓葉、葉莖多汁嘅植物會起到生旺風水作用。
適宜放係屋企嘅植物
菊花：有延年益壽，增加福分嘅象徵，有助於氣場磁場穩定。
金桔：桔黃咁咁嘅樣，有金銀財寶寓意，對增加財源頗有幫助。
水仙花：避邪除穢、吉祥如意，仲可招財。
富貴竹：又稱萬年竹，係受歡迎嘅搖錢樹，象徵招財。
蘭花：聚合人氣、掌握權力，亦可拓展人際關係。
唔適宜放係屋企嘅植物
夜來香：晚間會散發大量強烈刺激嗅覺嘅微粒，對高血壓同心臟病患者危害太大。
松柏類花卉：散發油香，容易令人感到噁心。
夾竹桃：花有毒性，花香容易使人昏睡，降低智力。
鬱金香：花有毒堿，過多接觸毛髮容易脫落。
(以上圖片均來自網路，如有任何版權問題，請與本站聯絡)
