裝修風水學：客廳天花板風水禁忌
2016年10月04日
13
182210
現時年輕人裝修越來越鐘意簡潔、大方，放棄繁瑣複雜嘅天花裝飾。客廳裝唔裝天花，裝咩類型嘅天花都需要我地根據實際情況同個人喜好取捨。其實天花唔單止可以彌補房嘅缺點,仲可以裝飾廳堂，俗語話天花係天嘅象征，設計合理嘅天花板可以令屋企人運程好、身心健康。究竟裝天花有咩係需要注意呢？又有咩禁忌呢？裝修佬話你知。
天花顏色宜輕不宜重
傳統文化原理，有清氣輕而上浮，濁氣重而下降，亦有天清地濁嘅講法。傳統文化認為，頭重腳輕嘅家居格局象徵長幼失序，即係年輕人心理過於叛逆，唔服家長管教。
天花無論使用邊種材料，最好比地板同牆面顏色淺，否則會俾人一種頭重腳輕嘅壓迫感,住耐咗嘅話會俾屋企人精神壓抑。
天花不宜鏡面設計
有D業主考慮到裝天花後可能會產生壓抑感，所以打算用鏡面來延伸視覺空間，緩解天花過低形成嘅壓抑。從傳統文化理論來睇，天花上設計鏡面會產生不良影響。因為從鏡中反應出來嘅景物會同地板一致，象徵天地不開嘅情況，違背自然規律，會令家運停滯不前。而且長期被鏡照射，見到嘅係自己顛倒嘅影子，長者同小朋友嘅心理健康可能會受到影響。
不宜凹凸不平或有尖角
有D房屋建築時留低硬傷，天花板呈現少許傾斜狀。傳統文化認為，呢種傾斜嘅屋頂容易令居住者產生精神壓抑，需要通過後期裝修令天花板平整。長時間面對呢類造型嘅天花，會令人心情煩躁，屋企人容易起衝突、出現意見分歧。
設計天花時應儘量避免選擇凹凸不平、或者帶有尖角嘅造型。可再加吊燈遮蓋呢個缺點。
天花設計凹位造型
一般住宅層高都係2.8米左右，如果客廳頂面再採用天花來裝飾，設計會稍有不當，會顯得壓抑。一般家庭設計天花，都係為咗掩飾屋頂橫樑，但係如果天花為遷就屋頂橫樑而壓得太低，無論係宅向文化或設計方面都唔適合。因為如果天花設計得過低，會令人產生一種天塌落來嘅強烈壓迫感，會對居住者造成消極嘅心理影響。
結合傳統文化理念，較好嘅天花造型係，四邊厚而中間薄嘅佈置。呢類型嘅設計可以緩解天花面形成嘅壓抑感，視覺效果較為舒服。中間嘅凹位象徵聚水嘅天池，對住宅會大有裨益。如果係聚水天池中間掛一盞金碧輝煌嘅水晶燈，更會有畫龍點睛之妙。
暗藏燈帶彌補採光不足
房屋通風採光是否良好，係判斷戶型好壞嘅重要元素之一。居室應該俾人明亮感覺，如果原戶型採光不足，咁裝修時一定要用燈光來彌補，久處光線暗淡嘅家居空間容易令人情緒低落，甚至產生不良嘅心理影響。
如有呢D情況，最好係天花嘅四邊木槽中暗藏LED燈來加以彌補。光線從天花板折射出來，既唔刺眼，而LED燈所發出嘅光線係接近太陽光，對於採光不足嘅客廳而言最為適合。客廳內使用凹位圓型天花，可以緩解壓抑感。
客廳天花忌用口字型
客廳天花忌諱使用口字型，口字形客廳天花係中間加上人就變成咗一個囚字，所以裝修建議大家唔用口字形客廳天花。其次要避免魚骨煞客廳天花，魚骨首先代表嘅是貧窮困苦，無魚肉可食，然後骨頭本身就是煞，所以當然要慎重使用。
(以上圖片均來自網路，如有任何版權問題，請與本站聯絡)
