室內設計經驗分享:家有寵物裝修設計(一)

2016年10月14日
14
138284
寵物係我地嘅朋友,甚至係屋企人,佢地或者係小巧得意,或者高大威猛,或者性格內斂,或者熱情奔放….相信佢係你心目中嘅位置都非常重要,所以我地係裝修方面要全面顧及佢地。以下裝修佬為大家分享屋企有寵物嘅裝修建議part 1。

室內設計經驗分享:家有寵物裝修設計(一)
 
屏風做緩衝空間 

狗仔見到陌生人會亂吠,可以係客廳用屏風做間隔。屏風嘅首要條件係要結實。但千祈唔可以用藤制,如果唔係好快你會發現屋企無咗個屏風,剩低D碎。  

牆面材料 

養寵物嘅朋友,切記唔可以用牆紙,牆紙雖然好睇,但貓貓鐘意狂抓或狗狗屙尿嘅天性係難以更改,為咗避免呢類殘劇發生,選擇易於清潔同修復嘅塗料牆為上策。

室內設計經驗分享:家有寵物裝修設計(一)
 
電源位置要高 

為避免寵物一不留神撞到電源線而出大麻煩,電源同插座最好還是安裝係佢地掂唔到嘅位置,或係電源前面加蓋或裝飾物。儘量減少裸露係外面嘅電線。 

護欄安全性 

露台或樓梯嘅護欄會係寵物嘅安全隱患。以前新聞上就發生過狗狗被夾係露台護欄郁唔到,差D無命。所以養寵物嘅朋友係設置樓梯同露台護欄時要多加注意,可以係護欄前面加一塊鐵網,12蚊店有得賣。


室內設計經驗分享:家有寵物裝修設計(一)
 
飾品小物件小心放 

玻璃飾品、茶具及各種小物件儘量放係安全位置,花樽之類嘅唔好放係茶几,你嘅曳豬可能會唔小心整爛。 

寵物專屬門 

唔想局限寵物嘅活動範圍,希望寵物融入生活環境,可於門下設計寵物出入門,方便自由進出居家各空間。善用空間角落或轉折空間,規劃寵物專用休息、活動區域,或作為寵物相關用品收納區。 

狗屋鋪瓷磚同排水口 

為寵物健康著想,要注意選擇濕度適當、通風、保暖、容易清潔嘅地方放置佢地嘅狗屋。寵物活動範圍鋪設瓷磚同排水口嘅設計,方便日後主人清潔。

室內設計經驗分享:家有寵物裝修設計(一)
 
傢俱搭配可替換 

由於貓磨爪習性同狗鐘意亂咬傢俱,傢俱、櫃體要儘量避免木皮材質,沙發等傢俱更應以可方便隨時更換嘅布沙發套為首選。

室內設計經驗分享:家有寵物裝修設計(一)
設計風格
143篇