室內設計經驗分享:家有寵物裝修設計(二)

2016年10月20日
19
138286
裝修已經係件麻煩事,如果屋企有養寵物嘅話,裝修要考慮嘅事就更加多。準備裝修嘅你係咪頭疼緊應該點攪呢?想要顧及你同寵物嘅全面需求舊要睇以下裝修佬分享屋企有寵物嘅裝修建議part 2,一齊分享俾你身邊有寵物嘅朋友啦!

室內設計經驗分享:家有寵物裝修設計(二)
 
轉角位避免尖銳 

地板可選擇具有立體凹凸紋路嘅設計表面,提高抓地力,防止寵物活動奔跑時滑倒跌親。考慮寵物嘅活動安全性,轉角收邊要注意避免尖銳造型。



室內設計經驗分享:家有寵物裝修設計(二)
 
玻璃防止貓抓狗咬 

玻璃拉門設計,除咗能夠將光線充分帶入室內,改善自然光源不足,玻璃材質仲可以防止貓抓及狗咬問題。 

窗臺係唔錯嘅選擇 

窗臺要用起身又太小,唔用又浪費,可以設計成寵物專屬空間,會有另外一種特別嘅心思。下面擺儲物櫃方便擺放寵物用品,上面日常休息。另外寵物鐘意行來行去,可以設計個樓梯俾寵物自由走動。


室內設計經驗分享:家有寵物裝修設計(二)

 
挑選耐用材質 

為咗避免寵物破壞,刮花實木地板表面,身上甩嘅毛亦可能會嵌入地板縫隙,清理起來比較麻煩。所以,瓷磚可能更加適合,或者選擇強化地板比實木地板耐磨程度要高。牆腳、門面可以用不鏽鋼、石材等材質處理,以防止寵物抓傷破壞。 

裝修佬溫馨提示 

睡房樟腦丸需要防止寵物誤食(有毒)。寵物需遠離對其有毒嘅食物,包括朱古力、牛油果、葡萄同葡萄乾、果仁、洋蔥、大蒜同咖啡,務必收好。以下植物對寵物來講有毒性,包括桂頂紅、番紅花、杜鵑花、錦紫蘇、仙客來、水仙花、鬱金香、大麗花、英國常春藤、毛地黃、鐵筷子屬植物、繡球花、亞洲百合、萱草、夾竹桃屬植物、白鶴芋、西米棕櫚、三瓣木蘭、麝香豌豆花、紫衫。
室內設計經驗分享:家有寵物裝修設計(二)
設計風格
143篇