裝修佬話你知：裝修輻射來源
2016年10月25日
8
382202
裝修都會有輻射？無錯，你踩緊嘅地板，牆面嘅瓷磚都會有輻射。輻射真係無處不在，想要將房屋裝修得舒適，又要考慮到健康環保問題。究竟裝修材料當中有邊D係有輻射嘅呢？裝修佬話你知。
瓷磚
瓷磚對人體嘅輻射途徑一係來自原材料射線照射，二係來自氡元素對人體嘅照射，另外超過使用壽命或人為損壞後嘅瓷磚脫落嘅釉面料塵，被人體吸入後，會危及健康。係所有瓷磚中，拋光磚中超白磚嘅輻射最強，彩釉磚表面放射性元素氡析出率比普通磚高。
裝修佬提示
瓷磚原材料取材天然石材，或多或少存在放射性，但由於係對天然材料人工合成，所以放射性保持在較低水準。超白拋光磚放射性超標主要係為咗增加瓷磚嘅白度，添加了氧化鋯、矽酸鋯嘅化學物質，瓷磚越白，放射性越容易超標，拋光磚產品除咗添加重金屬元素嘅瓷磚,一般來講問題都唔大。
選購技巧
裝修時儘量唔好將室內全部用瓷磚裝飾。如果揀磚，最好選擇亞光磚。如果用咗拋光磚，平時屋企儘量開細燈，要儘量避免燈光直射或通過反射影響到眼。
塗料
各種油漆塗料添加劑同稀釋劑都可能會釋放出苯及同系物包括苯、甲苯、二甲苯、苯乙烯等，且夏季更容易揮發出來。
裝修佬提示
塗料同油漆嘅毒性主要表現係產品中含有甲醛、苯等致癌特質，以及鉛、汞、鎘等有害物質。一般外色彩鮮豔嘅漆料所含嘅苯較多，汞、鉛、鎘等有害物質含量亦唔少，應儘量少用。使用環保嘅水性塗料可完全免除塗料污染。
選購技巧
如果經過檢測超標輕微，可以通過開窗通風，等污染氣體加速散發。或者採用竹碳、植物等物質吸附，以減輕污染。如污染嚴重，通風、吸附都無濟於事，就需要借助空氣清新機來清除、分解有害物質。
花崗岩
花崗岩係由火山噴發嘅岩漿形成，輻射高於大理石，印度紅等紅色花崗岩輻射可能偏高D。
裝修佬提示
係全部淺色系列嘅花崗岩中，只有偏高地區嘅白崗岩、含鉀長石礦物多嘅花崗岩、含鋯石礦物變質岩同含天河石礦物嘅花崗岩，先有可能形成放射性輻射強度偏大同可能有一定嘅危害現象。大部分淡色花崗岩可以放心使用。
選購技巧
係選購石材時可以要求廠家出示檢驗報告，同一品種嘅石材因其礦點、礦層、產地嘅唔同，其放射性都存在好大差異，所以係選擇或使用石材時唔可以單一只睇其一份檢驗報告，尤其係工程大批量使用時，應分批或分階段多次檢測。
大理石
有消費者唔放心大理石嘅質量而選擇購買進口大理石，其實，無論大理石嘅產地係邊，石材都可能存在安全問題。
裝修佬提示
放射性核素水準偏高嘅進口石材有：南非紅、印度紅、細啡珠、皇室啡等，其中小啡珠、細啡珠、南非紅嘅放射性均已經超過C類，屬於嚴重超標。要慎用紅色、啡色系列大理石，如果使用，裝嘅面積唔超過400尺。
選購技巧
眼觀：均勻細料結構嘅石材具有細膩嘅質感，為石材之佳品。耳聽：質量好嘅石材敲擊聲清脆悅耳，如果石材內部存在輕微裂痕或因風化導致顆粒間接觸變鬆，敲擊聲粗啞。滴墨：係石材背面滴一粒墨水，如墨水好快四處分散浸出，表明石材內部顆粒鬆動存在空隙，石材質量差。
