裝修佬話你知：玻璃淋浴房自爆原因
2016年10月27日
7
372021
玻璃淋浴房為我地劃分獨立嘅沐浴空間、區分乾濕位置、佔地空間細、保溫、高檔大方等好處受廣大市民歡迎。但沖沖涼下涼淋浴房自爆？係咪代表玻璃質量唔好呢？其實，係無直接機械外力作用下發生嘅鋼化玻璃自動性炸裂叫做自爆，雖然發生自爆嘅幾率唔高，但我地需要防範于未然，我地需要了解自爆嘅原因再去預防呢個問題嘅發生。究竟係咩原因會自爆呢？裝修佬話你知。
淋浴房玻璃安裝不當
玻璃表面同邊緣係加工、運輸、儲存同施工過程，可能造成有劃痕、炸口、爆邊等缺陷，易造成應力集中而導致鋼化玻璃自爆，又或者安裝時玻璃有一定嘅傾斜度或人為改變咗玻璃嘅形狀亦會導致類似問題發生。
淋浴房玻璃養護不當導致自爆
日常使用過程中，因尖銳物體撞擊、溫度急劇變化等原因造成淋浴房玻璃出現自爆比較常見。
淋浴房玻璃質量唔過關
鋼化玻璃出現自爆現象雖然可能係因安裝不當或者使用過程中養護不當而造成，但更有機會係廠家生產嘅鋼化玻璃自身品質原因造成，用於淋浴房嘅鋼化玻璃至少厚度要有6-8mm。
點樣降低淋浴房玻璃自爆風險
選擇優質鋼化玻璃
選購玻璃淋浴房時，可以戴偏光嘅太陽眼鏡睇玻璃，鋼化玻璃應呈現出彩色條紋斑，用肉眼望側面佢會有發藍嘅斑，最後要留意鋼化玻璃嘅弧度，其平整度不如普通玻璃，而係有凹凸感，較長果邊，會有一定嘅弧度。
正確安裝玻璃門
為防止安裝不當導致鋼化玻璃自爆情況，一定要專業師傅安裝，以免出現安裝不當而導致損壞問題。安裝時最忌係對玻璃切割，因為鋼化玻璃只能夠係鋼化前對玻璃進行加工至需要嘅形狀，而唔可以係鋼化後再加工，咁樣會非常容易使得玻璃出現自爆。
貼上防爆膜
市面上嘅淋浴房，由於考慮到美觀等原因，一般玻璃上唔會自帶防爆膜，自己郁手貼防爆膜可以防止玻璃自爆時玻璃碎亂飛嘅情況，選擇防爆膜時儘量要有經過國際窗膜協會認證、具備生產安全膜資格嘅防爆膜。
重點保護玻璃邊角部位
鋼化玻璃中間部分係最穩陣，而四角同邊緣係最薄弱，呢D部位一旦有裂痕，就好容易令成塊玻璃砸碎，唔知大家有無發現，巴士車窗嘅玻璃上嘅安全錘砸嘅位置就係玻璃邊角上，就係因為呢個特性。而對於淋浴房來講，要注意保護好玻璃邊角位置，定期檢查邊角有無出現裂紋。
避免尖銳物件劃傷
鋼化玻璃強度高，甚至可以承受幾個人嘅重量，但佢有個弱點，就係驚尖銳物品劃傷同撞擊。由於尖銳物嘅接觸面積細，但呢個接觸點對鋼化玻璃壓強就相當大，一小小嘅裂痕意味著成塊玻璃內部嘅應力分佈受到破壞，從而係瞬間產生無數蜘蛛網狀裂紋。
裝修佬溫馨提示
雖然鋼化玻璃比普通玻璃安全性更高、硬度更強，但缺點在於溫差較大嘅時候容易爆裂，安全起見，係室內外溫差過大嘅時候可以先用適當溫度嘅熱水沖淋玻璃門一分鐘左右，沖涼嘅時候最好係慢慢提高溫度而唔係一下子用過熱嘅水溫。
(以上圖片均來自網路，如有任何版權問題，請與本站聯絡)
