滅蟲攻略：曱甴怕甚麼？如何消滅小強？蟑螂防治教學 (2020更新)
蟑螂無處不在，無論係條街度或屋企都有佢哋嘅蹤跡，小强嘅繁殖能力極强，有啲仲識飛！一對德國蟑螂一年就可以繁殖十萬隻後代，係家居棲身及覓食嘅同時，仲會傳播多種病毒、細菌、真菌，非常棘手。究竟有咩係曱甴嘅天敵？裝修佬話你知。
蟑螂防治10種方法
● 梳打粉加糖：糖同梳打粉各一半混合係個碗度，擺係蟑螂經常出沒地方便可；
● 糖水：蟑螂喜歡香甜味道。可揾個空空樽，放3羹糖，加半碗滾水冲開做饵，擺 係蟑螂活動嘅地方，蟑螂聞到香甜味後，就会爬入陷阱中；
● 芝麻油 ：蟑螂有入無出？ 用細口長頸玻璃樽，入面放啲香甜食物，樽口塗啲芝 麻油，因爲樽口太滑，蟑螂就會滑入而無辦法走；
● 洗衣粉：洗衣粉係高效誘殺蟑螂嘅藥引，功效勝過一啲化學殺蟲劑，將洗衣粉 撒係蟑螂可能出沒嘅地方，佢食咗洗衣粉後就會死；
● 黏膠： 蟑螂鍾意捐窿捐罅嘅習性可以有效利用，用一個紙盒，蓋埋開小小罅位 ，盒入面塗黏膠，擺啲新鮮麵包碎，等蟑螂入去偷吃而被黐住；
● 熱番梘水：將一舊番梘加入4升熱水度，溶解後直接噴係蟑螂度，可有效殺滅蟑螂；
● 橙皮、檸檬皮：將橙皮、檸檬皮曬乾後，放係櫥櫃，唔單止有有淡淡果香作用，仲起到一定嘅防治曱甴嘅效果；
● 硼沙、麵粉、香油、糖： 將少許硼沙、糖同麵粉混和，然後滴入幾滴香油，攪成一舊，完成後放係紙筒便可；
● 填縫膠清除蟑螂活動空間：蟑螂最喜歡係裂縫空間活動，用彈性填縫膠填補裂縫，冇地方俾蟑螂活動自然同蟑螂講byebye啦；
● 蟑螂怕黃瓜：蟑螂驚黃瓜味，可以將新鮮黃瓜放係櫥櫃度，蟑螂就唔敢接近，新鮮黃瓜擺兩三日後再切開，令其繼續散發黃瓜味，驅除蟑螂；
● 曱甴可被洋蔥驅走：如果係室內放一盤切好嘅洋蔥，蟑螂聞後會立即走夾唔透，同時仲可延緩室內其他食物變質。
裝修佬溫馨提示
小强係每個屋企都會出現嘅生物，佢哋無處不在，想要從根本上消滅小强，應該清除小强賴以生存嘅環境條件，保持室內清潔，將垃圾及時清理，並將餐具用熱水清洗乾淨，爐灶等地方要定期清潔。
小强係雜食性害蟲，耐飢唔耐渴，係屋企滅小强時要封鎖水源，保持室內乾燥，唔好有任何漏水地方，尤其係廚房，食唔曬嘅食物及時要密封，放入雪櫃或密封容器。
想了解有關消滅蟲患的資訊，請瀏覽裝修佬專欄：
(以上圖片均來自網路，如有任何版權問題，請與本站聯絡)
