室內設計經驗分享：窗台原來可以設計成咁
2016年11月01日
12
139802
窗台嘅存在，可以擴闊視野、增加採光通風，令室內空間帶來立體感，如果識得設計利用，仲可以為你為增加實用面積同收納空間。究竟有幾好？裝修佬話你知。
客廳唔大，但借助窗台位置好似多咗張沙發，坐係上面欣賞窗外風景，中空茶几嘅設計非常貼心，可以擺放物品嘅同時唔妨礙活動空間。
呢個窗台設計俾人非常休閒嘅感覺，以藍白色做主調，格仔窗點綴空間，令成個效果呈現舒適嘅北歐簡約風格。
睡房窗台位置改造成私人區域，無論係聽歌定睇書，都可以滿足到你。
小朋友物品一定好多，好多大人都會好頭痛，如果窗台位置夠大可以利用成為一張床，為室內增加活動空間。
利用窗台位置作為書檯，偌大嘅玻璃窗為室內增加採光。
合理利用空間增加休閒區域係非常好嘅選擇，利用窗前嘅凹位定制地櫃，上面鋪設柔軟坐墊，下面係強大嘅儲物式櫃桶。
裝修佬溫馨提示
窗台面積如果面積夠大，而房內空間位置細，可以考慮將窗台設計成一張細嘅單人床。
如果窗台高度啱好同床嘅高度一樣，可以將床挨住窗台位置，窗台就變成咗床頭櫃。
窗台面積唔大嘅話可以種D植物花草，面積唔大，離地又高，就最啱改造成功能型嘅使用空間。
小朋友鐘意攀爬，所以一般兒童房唔建議用窗台設計，如果有窗台，就要記得做好防護措施。
窗台面積越大，冬天保溫情況差，而夏天透過嘅太陽熱輻射越多，仲會增加冷氣機嘅耗電量，所以設計窗台時，要注意呢個問題。
7樓或以上嘅高層住戶，房間內嘅窗台除咗要設置護欄外，仲要用安全玻璃。
(以上圖片均來自網路，如有任何版權問題，請與本站聯絡)
