裝修佬話你知:清除廁所頭髮竅門

2016年11月04日
5
358382
相信每個屋企都會有位成日甩頭髮嘅女性,無論係屋企邊個角落都會見到頭髮嘅存在,特別係廁所,如果一直唔理,甩咗嘅頭髮會將廁所嘅排水口塞住,跟住要做嘅事就係要通渠。當然,唔想成日通渠嘅朋友可以睇下以下裝修佬為你呈上嘅清除廁所頭髮竅門,同通渠講ByeBye。

 裝修佬話你知:清除廁所頭髮竅門
  
將飲管剪成菊花狀,分散開來,豎插係排水口 ,洗完頭髮後,將飲管擰出來,你就會發現頭髮黐曬係條飲管度,只需要時不時換條飲管就得啦。需要留意,飲管唔好太長,記得剪完要分散開。   

用洗鍋嘅鋼絲球,塞住排水口,看見集聚嘅污漬多,換一個便可。   

用舊牙刷係地上一掃就可以黐實D頭髮。   

如果經常甩頭髮嘅朋友,可以將一對絲襪套係把梳上面,梳齒要穿過絲襪,咁樣梳頭嘅時候,甩嘅頭髮就會黏附係絲襪上,隔幾日清理一次便可。   

將一對舊絲襪套係掃把上,掃地時,由於產生咗靜電,毛髮、灰塵等會容易吸附係絲襪上面。      

洗沖涼嘅時候,用舊絲襪包住排水口,就會將所有頭髮都攔截落來,呢個方法比較實用,還好環保。   

先用水整濕有頭髮嘅地方,然後頭髮就會都黐埋一齊,再用掃把掃下便可。   

如果唔想用手擰排水口嘅污物,可以準備一個長D嘅夾,可以夾D塞係下水道等地方嘅頭髮。   
布沙發、床單、冷衫上嘅頭髮好難清除,可以用透明膠紙,係上面黐幾下,就可以輕鬆去除。 

裝修佬溫馨提示 

要保持廁所清潔,唔好等一大堆頭髮先來清理,因為部分頭髮就會走到排水口度而渾然不知,另外,千祈唔好將頭髮丟到馬桶入面,如果導致馬桶淤塞,又要煩多樣野架啦。

(以上圖片均來自網路,如有任何版權問題,請與本站聯絡)

裝修佬話你知:清除廁所頭髮竅門
呀J
311篇