洗衫甩色點算好？各種衣服防脫色攻略(2020更新)
2016年11月05日
5
31983
洗衫甩色點算好？相信大部分朋友都有試過新衫甩色嘅情況，而甩色嘅衫仲會染色其他衫。白醋浸衫、鹽水定色都係方法，但實際操作係點？新衫點洗先唔再脫色呢？等裝修佬話你知。
洗衫甩色原因
● 染料大多易係水中溶化
● 潮濕狀態下染料係陽光作用下亦易褪色
● 染料同纖維紋路結合得不夠穩陣嘅話，清洗時都會褪色
所以，為咗令衣物唔甩色，除應注意清洗時唔好係熱水、番梘水中長時間浸泡，清洗時可係水中放啲鹽，再用清水冲乾淨，係防止衣物甩色嘅好方法。
1.洗毛衣用茶水
如果冷衫清洗時易甩色，用凍咗嘅茶水先將冷衫浸10分鐘再清洗，毛衣唔單衹洗得乾淨，而且唔會甩色，仲可以延長衣物壽命。
2.洗新衫用熱水
新買嘅純棉背心，T恤，用滾水浸完再清洗，既耐磨且唔甩色。
3.洗牛仔褲用鹽水
牛仔褲洗有機會易甩色，洗牛仔褲前先將其放係凍嘅濃鹽水中浸約2個鐘，再用番梘清洗就唔易甩色。
4.易脫色衫用鹽水
易脫色嘅衫好多，可先將衣物放入鹽水浸半個鐘，然後用清水清洗乾净，咁樣可以防止衣物甩色，尤其係黑色或紅色嘅衫，效果更為顯著。
5.洗有色布料用白醋
清洗有色布料衣物時，係洗滌劑中加少許白醋，可以防止衣服甩色，如果洗高級物料嘅衣物可以係水度加明礬，咁樣可以避免減少衣物甩色。
裝修佬溫馨提示
如果唔想件衫係清洗過程中被染色，裝修佬建議係洗衫前，一定要先將深色衣物如黑色、紅色、深藍色同淺色衣物如白色、淡黃色分開清洗。如果要同時清洗，至少要用洗衣袋隔開。
衣物甩色就唔好係太陽光下曝曬，太陽光嘅紫外線會令衣服嚴重甩色，放置係陰涼地方自然風乾便可。另外將件衫反轉來曬，可以防止衣物變白，延長衣物壽命。
如果新衫唔知係咪會甩色，第一次最好手洗，如果無事再放洗衣機。
想了解有關洗衣的資訊，請瀏覽裝修佬專欄：
(以上圖片均來自網路，如有任何版權問題，請與本站聯絡)
