裝修佬話你知：疏通淤塞花灑技巧
2016年11月07日
3
374319
相信好多朋友都有試過冲涼嘅時候發現花灑出水量細咗，影響沐浴心情。一般情況下，我地都會以爲係水壓低嘅問題，其實，係因爲長期放水後產生咗水垢，從而發生淤塞情況，呢個係正常現象，並唔係水壓問題，你只需要拆咗個花灑落來清洗就得啦，咁花灑要點清洗呢？裝修佬話你知。
白醋
首先準備一D白醋，將醋倒係盆度，以醋浸過花灑頭為宜，大概浸兩個鍾左右，浸完後用牙刷刷洗，再用清水清洗乾淨便可，如有硬水沉澱物就用檸檬切片清洗。
用針拮
如果花灑係部分窿塞住咗，咁就先放水，睇下係幾個窿塞住，然後用支針將頭先見到無出水嘅窿用針頭拮穿入面嘅雜質，直到窿内無雜質為止。呢個方法最直接，但要小心太大力將花灑窿拮爛。
用潤滑劑
如果花灑頭金屬生鏽導致淤塞非常嚴重嘅話，咁就要用到RP-7除鏽防銹潤滑劑。呢隻除鏽潤滑劑可以同金屬有非常好嘅親和力和滲透性，可以將生鏽層同金屬層分離，令生鏽部分同金屬接觸面留低保護膜，令花灑從此永不生鏽。
裝修佬溫馨提示
清洗花灑注意唔可以用強酸，最好用白醋，以免對花灑表面造成腐蝕。為咗確保噴頭唔淤塞，最好每隔半年或者更短時間就對花灑進行清洗，讓你唔需要再擔心冲涼時突然花灑出水量少，影響沐浴心情。
(以上圖片均來自網路，如有任何版權問題，請與本站聯絡)
