裝修佬話你知：秋天裝修注意事項
2016年11月08日
8
396381
秋高氣爽，又到咗家居裝修嘅好時機，好多朋友都會選擇係秋天裝修，因爲秋天裝修好處多，由於氣候乾燥，木料唔易受潮、油漆快乾等好處。每個季節裝修要注意嘅問題都唔一樣，究竟秋天裝修有咩需要注意呢？裝修佬話你知。
現場施工要安全
注意係室內施工時嘅用電安全，唔可以亂拉亂接電線，或電源線上無保護管，現場禁止吸煙，唔可以動用明火，油漆等易燃品應存放係遠離火源、陰涼、通風、安全地方，施工現場應天天打掃衛生，清除木碎、漆垢等可燃物。
注意防火
由於秋季氣候乾燥、多風，係火災嘅高發期，特別係室內裝修用易燃易爆材料較多更易引起火災，所以要督促同配合裝修師傅進行規範操作，提前做好防火、防爆等其他安全隱患。
木材防干裂
秋天氣候乾燥，木料運到裝修現場後，要避免放係通風口位，而且要係表面盡快做封油處理，因為木料係通風口處易風乾，木材內嘅水分會流失，導致木材表面乾裂，出現裂紋。秋天裝修過程中，對於高檔飾面板如櫸木要先做封油處理，以鎖住內含嘅水分，對於用作收邊嘅木線，處理方法亦一樣，而且應該特別注意。
嚴格遵守電器安裝規程
家庭裝修中電路施工同電器安裝，應嚴格執行電器安裝規程，所有電器線路均應穿套管，接線盒、開關、槽燈、吸頂燈同發熱器件，周圍應用非易燃材料做防火隔熱處理。
牆紙牆布防失水
由於秋天氣候乾燥，所以牆紙、牆布貼前一定要先放係水度補水，然後再上膠舖貼，鋪好後，唔可以好似夏天咁大開門窗等牆面迅速乾透，咁做極易令啱舖貼好嘅牆紙吹乾，從而失水變形。所以，秋天貼好牆紙、牆布嘅牆面要自然乾。
煤氣管道勿私改
煤氣管道私自改動會極易造成煤氣洩漏發生爆炸，有唔少用戶係裝修時為咗美觀私自將煤氣標拆咗，移改戶內燃氣管，或用檯面、裝修材料封死，咁做係非常危險。
切勿急於修補
秋天裝修完後，牆面可能會出現一定程度嘅裂開同空隙，但唔好急於修補，要等牆體嘅水分充分揮發，最好係等到出年春天，乾裂同變形問題唔再發生，先一次性修補。
(以上圖片均來自網路，如有任何版權問題，請與本站聯絡)
