裝修佬話你知：家居除臭我有計
2016年11月22日
5
396146
屋企各種異味會令人心煩氣躁，影響生活同健康，特別係鞋櫃、排水口、垃圾桶，由於長期無通風透氣，異味積聚，時間耐咗就會產生難以忍受嘅臭味，實在令人頭痛。其實，異味又有乜好怕哦，只需要知道個中方法就可以輕鬆去除，究竟係點呢？裝修佬話你知。
選用優質環保無異味油漆
屋企裝修，牆面翻新難免要油油漆，如果油漆揀得唔好，唔單止臭味難以去除，仲會影響身體健康。現時市面上有好多油漆都係有好大陣異味，而且呢種氣味當中含有苯、甲醛等有害氣體，而甲醛甚至會致癌，所以，識揀一定揀安全環保無異味嘅油漆，比如380 AQUAPRO家居保乳膠漆，無味環保，超強防黴，低VOC，絕對適合追求健康生活素質嘅你。
清涼油擺厠所
將一盒清涼油打開蓋放係厠所角落位，臭味就可以去除，清涼油價格親民，而且一盒可以用到2~3個月。
洋蔥除雜物房怪味
雜物房如果唔經常通風，就會出現難聞氣味，可將洋蔥切開兩半放係雜物房擺一晚，等洋蔥刺激味散發完，怪味就會神奇消失。
橙皮水除水池臭味
廚房水池無經常清理或清洗唔夠徹底，就容易發黏發臭，用熱水浸橙皮來清潔水池，可清除水池臭味，檸檬皮、葡萄柚皮都具有相同作用。
酒精除衣服黴味
衣物係衣櫃中放太得耐會產生難聞黴味，將酒精或高度數嘅白酒裝入噴壺，噴係衣物上，唔單止可以去除黴味，仲可以殺菌，噴完後，將衣物掛係通風處晾乾便可。
梳打粉水除飯盒異味
塑膠飯盒等食物容器往往會殘留食物異味，可以將飯盒用加有梳打粉嘅暖水浸一晚，然後沖洗乾淨，異味就會消失。
蘇打粉除地氈異味
地氈經常被踩係腳下，時間耐咗，往往氣味難聞，可以先將經常被踩嘅地方，如沙發前、床邊等，撒上梳打粉，過幾個鍾後，再用吸塵器清潔便可。
垃圾桶除臭
係垃圾桶內或垃圾桶蓋嘅背面放三個樟腦丸（臭丸），唔單止可以除臭，仲可以令蟲仔敬而遠之。
儲物櫃除臭
儲物櫃塞滿物品後，會發出一種發黴嘅異味，咁係因為雜物太多，唔通風透氣而造成，可以將報紙撕碎散放係入面，就可以吸收潮氣，難聞嘅異味亦會消失。
(以上圖片均來自網路，如有任何版權問題，請與本站聯絡)
