裝修佬話你知:過期牛奶10個家居用處
2016年11月30日
12
371833
牛奶好處多相信個個都知，所以好多朋友一買就會買好多擺係屋企備貨，但好多時會飲唔切，攪到過曬期，認真可惜。其實，就算牛奶過期都可以有好多用處架，究竟過期牛奶有咩用呢？裝修佬話你知。
抹皮制傢俱
可以用過期牛奶來抹皮制傢俱，使其恢復光澤，仲可以修復細小裂痕。
抹複合木地板
過期發酸嘅牛奶要用清水稀釋後，再灑到複合木地板上用拖把拖，地板可光亮如新，因為牛奶過期後味道會變酸，增加咗牛奶中嘅乳酸含量，而乳酸係一種天然嘅去污劑，可以清理木地板。另外牛奶中含有蛋白質同脂肪等物質，可以在係木地板上形成一層保護膜，唔單止令木地板光亮如新，而且可以保護地板表層，減少磨損及劃傷，牛奶中嘅油脂令地板保持原有色澤，唔易甩色、變色，亦唔會令地板容易變形。
洗抹木地板時，先把過期牛奶倒入地拖桶中，然後加兩倍嘅水稀釋，再將抹布沾濕後擰乾，就可以抹地板了。
抹皮鞋
清除鞋面污垢，用紗布沾取過期牛奶均勻抹鞋面，乾咗再用乾布抹，鞋面就可以光亮如新，而且仲可以防止皮面乾裂。
去除衣物嘅墨蹟
先用清水將衣物清洗乾淨，再倒入過期發酸牛奶輕輕搓洗，就可以除去衣物上嘅墨蹟。
護髮
將過期乳酪加水稍加稀釋，然後好似護髮素咁將佢均勻抹係洗過嘅濕發上，稍加按摩後用清水洗去，會令頭髮潤滑油亮。
潤膚美容
過期牛奶會產生乳酸，可以軟化角質，具有保濕效果，可用過期牛奶敷臉、洗臉、潤膚，可以直接用來敷臉，如果擔心敏感可以先進行皮膚測試，如果係全身護理，可先用牛奶抹全身5~10分鐘，然後再洗浴，潤膚效果唔錯，但要留意，牛奶只可以係啱啱過期而未變質。
乳酪面膜
乳酪中含有大量嘅乳酸，作用溫和，安全可靠，乳酪面膜利用這些乳酸來發揮剝離性面膜功效，每日使用會令肌膚柔嫩、細膩。
淋花
如果過期牛奶已經有明顯嘅酸腐味，可以用來淋花，先洗花土中間挖個窿，把牛奶埋入去，咁就唔會有難聞氣味了，要留意，牛奶唔可以太多，一個月兩次便可。
做魚餌
發酵變酸嘅牛奶係做魚餌最好嘅添加劑，鐘意釣魚嘅朋友可以用酸牛奶拌糟食，草魚最愛嘅餌料。
發麵
其作用相當於酵母，會令蒸出來嘅饅頭又香又甜，仲會有一陣濃濃嘅奶香味。
(以上圖片均來自網路，如有任何版權問題，請與本站聯絡)
