裝修佬話你知:你識唔識用清潔劑、消毒劑
2016年12月13日
5
373949
清潔劑同消毒劑嘅發明令每個家庭主婦清潔更輕鬆，現時市面上各式各樣嘅清潔劑都不過係化學成分組成，如果唔注意使用會有損人體健康。以下裝修佬同大家分享清潔劑同消毒劑嘅使用注意事項，一齊分享俾你身邊嘅朋友啦！
清潔劑、消毒劑放得越多越好
當清潔劑達到一定濃度後，去污效果就會飽和，唔會再增強,，如果用量太大，一來會造成水同清潔劑嘅浪費，二來會容易產生殘留。另外，研究發現，如果消毒劑放得過多，就會降低人體正常免疫能力，令更容易被外界病菌入侵。
清潔劑、消毒液混合使用
某電視台曾經報導，一位主婦為更徹底地去污，將廁所清潔劑、洗滌劑、洗潔精等混合使用，結果產生咗大量氯氣，導致該主婦氯中毒身亡。最近，美國疾病預防與控制中心發出警告，千祈唔好混用清潔劑痛消毒劑。
清潔劑、消毒劑無限期使用
大多數人買清潔劑痛消毒劑好少會睇保質期，其實，清潔劑同消毒劑都有保質期，過咗保質期，其有效成分就逐漸失效，根本起唔到應有去污同消毒作用。
先放衫後放清潔劑、消毒劑
好多人都習慣先將衣物放入洗衣機或盆中，然後再放水同清潔劑，這個係最常犯嘅錯誤，其實咁會令衣物局部黏附上過多清潔劑或殺菌劑，容易令衣物局部花白，色彩深淺不一，同時，局部清潔劑濃度過高，容易清洗得唔夠徹底，刺激皮膚。
點用最安全？
盡量少用，或者唔用，洗碗時，如果無油污，就用清水洗，如果有少許油污，可用滾水淥，如果油污過重，先用廚房紙抹去油污，或者用小許梳打粉抹，再用水沖洗乾淨。另外，清潔灶台、鋅盤等地方時，可以將梳打粉溶於水，用抹布用力抹洗即可，洗馬桶時，倒可樂亦有清潔作用，如果清潔下水道等藏污納垢嘅地方，可以先將頭髮勾出來，再用橙皮水沖洗。
另外，用去污劑時，一定要戴手套，如果氣味刺鼻，應戴口罩，使用噴劑時戴眼鏡，以防液體濺入眼內，儘量係最短時間內將污垢清理乾淨，一定要開窗通風，等氣味儘快散走。
(以上圖片均來自網路，如有任何版權問題，請與本站聯絡)
