裝修風水學：客廳裝修禁忌話你知
2016年12月19日
5
182416
客廳係屋企嘅門面，亦係全屋嘅中央磁場所在，影響住全家人嘅財運、事業、健康等問題，一般來講，好多朋友會將心機擺係裝修設計上，忽略咗風水嘅重要性。正所謂寧可信其有不可信其無，想要改變運勢從細節開始，以下裝修佬同大家分享客廳嘅裝修風水禁忌。
不宜陰暗
客廳好嘅風水首要係光線充足，所以露台上儘量避免擺放太多濃密盆栽，以免遮檔光線，光猛嘅客廳可以帶旺家運，所以客廳牆面不宜選擇太暗嘅色調。
不宜塞滿古董、雜物或裝飾品
客廳如果塞滿古董、雜物同裝飾品，容易堆積灰塵，影響氣流暢通，容易令人氣血不順，健康衰敗。
拱門不利長輩健康
假如客廳為咗避橫樑或分隔空間而有拱門式設計，咁會違犯咗傳統風水理念，由於拱門形如墓碑，所以抱著傳統文化觀點每日從此進出，難免會產生心理暗影，甚至會因此影響到健康。
橫樑當頭
假如客廳正好被橫樑所壓，巨大嘅心理壓抑會令屋內人備受壓抑，難於得志，呢種情況可以掛福鼠飾品加以化解，或者裝修上設計成客廳飯廳。
假天花板
假天花可以用來化解橫樑，但唔高嘅客廳再用假天花化解橫樑，就會有一種天塌落來強烈壓逼感，實在不宜。可採用四邊矮而中間橫樑高嘅假天花佈置，樓底矮嘅住宅，不宜懸掛大型水晶燈。
不宜入門先見飯廳
錯誤嘅室內配置，會帶俾人格格不入嘅感覺，入門見飯廳，唔單止易令屋企人貪食重食，志向難以遠大，在外易犯小人，甚至令人喪失奮鬥目標及人生理想。
牆上不可放置尖銳物品
如刀器，標本等，枱面上亦應避免放置有棱有角嘅檯燈或裝飾品，呢D物品會產生陰氣，導致屋企人易爭吵等問題。
不宜放假植物
常見有D屋企鐘意係客廳中擺放假花假草，表面上睇來雖然賞心悅目，實際上卻易帶俾男女主人較重嘅桃花或出現婚姻問題，更易帶俾屋企未婚成員婚姻上嘅阻礙，容易引來虛情假意或遇人不淑，甚至影響屋企人財運、投資理財判斷失誤，造成財運不濟嘅現象。
(以上圖片均來自網路，如有任何版權問題，請與本站聯絡)
