梳打粉好處知多少
2016年12月25日
2
345677
梳打粉來講呢，相信大家未用過都聽過，梳打粉本來係廚房用品，平時用來可以烹飪食物之餘，其實仲有好多不為人知嘅用途，究竟有幾好？裝修佬話你知！
清潔瓷磚同未打蠟嘅地板
要清潔瓷磚同未打蠟嘅地板，可以將半杯梳打粉加入暖水中，將抹布或拖把浸入梳打粉水中，扭幹後再拖地板，再將拖把以清水洗淨，然後拖一、二次即可。
清理花灑
去除花灑上積聚嘅礦物質，令花灑出水更順暢，將 半杯梳打粉、1杯醋，倒係膠袋中混合，然後將膠袋套係花灑，用橡筋紮實，等花灑浸入溶液，靜置浸1個鐘後擰走膠袋，出熱水讓花灑持續噴幾分鐘。
去除瓷磚頑固水漬或鏽漬
梳打粉可以去除瓷磚上嘅頑固水漬或鏽漬,使用百潔布抹，然後徹底沖洗。
清潔浴缸
可以用來清潔玻璃纖維製成嘅浴缸，不過需要小心，因為玻璃纖維容易劃傷，用海綿沾梳打粉同洗潔精調成糊狀物輕擦。
除味
將梳打粉放入舊襪或絲襪嘅趾尖部位紮緊，將多餘部分剪走，將其掛係水喉上可以除味。
係水箱上放一個裝有梳打粉嘅盤，就等於係廁所放置永久性空氣清新劑，或可以加入浴鹽，每3個月更換一次。
有霉味嘅浴巾可以用洗衣機清洗去味，只需要係清洗時加入半杯梳打粉。
去除浴簾上霉漬及輕度污漬
係海綿上灑梳打粉來清洗浴簾，可以清除霉漬並去除輕度污漬，然後用水將浴簾沖洗乾淨。
清潔檯面
用梳打粉同白醋調成糊可清潔檯面同浴室櫃嘅大理石表面。
去除浴缸、洗手盆水垢
對於浴缸同洗手盆中積聚嘅水垢，可以將1/4杯梳打粉、半杯醋、1杯氨水同大約4升暖水混合，將其混合好後大量用用係污垢處便可。 注意，清洗過程須戴手套，保持空氣通風。
去除浴缸防滑條污漬
要去除浴缸防滑條污漬，應將要清潔部位整濕，然後灑上梳打粉，靜置20分鐘後抹乾淨，隨後用水沖走。
清除馬桶的頑固污漬
清除馬桶頑固污漬，可用細鋼絲球加梳打粉。
去除水泥霉漬
將梳打粉糊敷於污處，用舊牙刷刷洗，然後用水沖淨。
清潔電器
電磁爐、微波爐用耐咗都會有異味同食物造成嘅痕跡，用沾有梳打粉水嘅抹布抹幾分鐘，再用乾淨濕抹布抹，就可以去除掉污漬。
令植物更光鮮
將梳打粉水噴係植物葉上後用濕布抹，葉片就會顯得光澤，而將水同梳打粉以2：1比例倒入花盆中再將花插入去，可以讓鮮花綻放持久。
(以上圖片均來自網路，如有任何版權問題，請與本站聯絡)
