裝修佬教你破損家具美容技巧
2016年12月30日
6
398431
家具係組成一個家嘅必需品，佢地各有不同，但最終目的都系一樣，就係令你嘅居住環境更方便舒適。但再鋒利嘅刀都會有生鏽嘅一日，就算日常生活當中幾咁愛護家具都難免會有損傷，雖然有損傷唔影響使用，但會非常礙眼，以下裝修佬同大家分享破損家居嘅美容技巧，一齊去文！
木制傢俱
當遇到木制傢俱或地板出現空隙時，可先將舊報紙剪碎，加入適量明礬，用清水將其煮成糊狀，然後用界刀將其嵌入空隙再抹平，乾咗以後就會非常穩陣了。再塗上同樣顏色嘅油漆，木器就可以恢復到原先面目。
茶具枱
係貼防火板嘅茶具枱上沖茶後，時間耐咗會係茶具枱上留低難睇嘅片片污漬，可以係茶具枱上灑D水，用煙盒裡上嘅錫箔紙來抹，再用水清洗，就可以將茶跡洗走，用呢個方法抹茶具亦有同樣效果。
燙痕
熱杯盤等直接放係傢俱漆面上，會留低一圈燙痕，一般只要用汽油、酒精、花露水或濃茶沾濕嘅抹布抹即可，或用碘酒係燙痕上輕輕抹，再敷一層凡士林，隔兩日再用抹布抹燙痕即可消除。
焦痕
煙頭、煙灰或未熄滅嘅火柴等燃燒物，有時會係傢俱漆面上留低焦痕，如果只係漆面燒灼，可用牙籤包一層硬布，輕輕抹痕跡，然後擦一層蠟，焦痕即可消除。
白色傢俱
屋企白色枱面、白色櫈特別容易污糟，難以清洗。不妨試下用牙膏擠係乾淨抹布度，只需輕輕一抹，油污就可以輕鬆去除，因為牙膏中含有研磨粉具有極強去污效果。但係要留意，抹嘅時候唔好太過用力，否則會損傷漆膜。
漆面傢俱
如果傢俱漆面擦傷，未觸及漆下木質，可用同傢俱顏色一致嘅蠟筆或顏料，擦係傢俱患處，覆蓋外露嘅底色，然後用透明指甲油薄薄咁擦一層即可。
藤器竹器
藤器或竹器製品用耐咗會藏污納垢，可用鹽水清洗，既可去除污漬，又可以使其柔松有韌性。
(以上圖片均來自網路，如有任何版權問題，請與本站聯絡)
