裝修佬話你知:六種會致癌嘅日常用品
2017年01月04日
2
374193
人人談癌色變，癌症嘅存在奪走寶貴嘅生命，正所謂生命無take 2,癌症睇起身好似好遙遠,但其實離我地好近,好多時候,可能就係身邊嘅細小物件都會有機會致癌。想要遠離癌症，除咗日常多做運動，飲食健康，瞓覺定時，多飲水之外，仲可以係日常用品度落手，以下裝修佬同大家分享六種會致癌嘅日常用品。
紙巾
現時市面上嘅紙巾多為再生紙，為咗美化外觀，多數紙巾添加咗染料，包括螢光增白劑或滑石粉。顏色越白嘅紙巾，可能加有更多嘅螢光增白劑或滑石粉，而呢D添加劑多含有化合物苯，有D質量欠佳嘅紙巾仲含有甲醛等，呢D物質長期同皮膚接觸可能引發白血病同癌症。
洗頭水
無論係平或貴嘅洗頭水，無可避免都係清潔劑及其他化學成分嘅混合物，泡泡浴中使用嘅泡沫劑一樣，洗頭水一旦被打開儲存，其中嘅甲醛就會同洗頭水中使用嘅乳化成分一齊產生化學反應，形成致癌物質。
泡泡浴
現時嘅年輕人唔鐘意用番梘沖涼，而鐘意攤係浴缸度浸泡泡浴，番梘中物質多數取自天然物，但泡泡浴中使用嘅泡沫劑就唔同，泡泡浴中嘅香味劑可能會導致皮膚發炎、頭暈，長時間接觸泡沫劑，其含有嘅有害化學成分泡沫穩定劑會滲透到皮膚同呼吸到肺度。裝修佬溫馨提示：儘量少浸泡泡浴同用沐浴露，植物番梘係唔錯嘅選擇。
塑膠桶
現時好多家庭嘅廁所度會放一個塑膠桶裝垃圾，數據調查發現，廁所放膠桶會大大增加細菌繁殖速度，令廁所變成病毒繁殖場同傳染源，其實，紙巾丟入馬桶隨水沖掉即可，而女性衛生用品帶出廁所丟入垃圾桶，咁樣使廁所既整潔又減少污染。
牙膏
牙齦疾病會誘發心臟病，會給心臟健康帶來危害比吸煙同膽固醇過高更大。另外，牙齦疾病仲會增加中風、骨質疏鬆、呼吸疾病、糖尿病等風險。牙膏中有幾種活性成分令人擔憂，佢廣泛使用嘅化學物質被認為可能會導致腸胃病同肝中毒，會令口腔更容易潰爛，患口腔癌，另外牙膏中嘅研磨劑亦被認為會傷害牙齦，令牙齦更易受到侵害。刷牙嘅時候唔好以為牙膏越多越好，唔需要太頻繁刷牙，一日少於三次。
清香劑
現時唔少家庭鐘意係屋企廁所一盒清香劑，令環境變得清新宜人，其實，呢D香味係化學合成物，有可能誘發癌變。裝修佬建議廁所最好唔放除味劑，想保持空氣清新，可經常開窗或用抽氣扇。
(以上圖片均來自網路，如有任何版權問題，請與本站聯絡)
