櫥櫃用咩材質好?
2017年01月05日
6
374199
廚房用品係全屋中最多而且又雜，而櫥櫃係唯一嘅收納途徑，所以櫥櫃嘅角色好重要。現時市面上嘅材質好多，係裝修嘅時候你有無認真考慮到櫥櫃用咩材質好呢？好嘅材料延長使用壽命，以下裝修佬搜集咗唔同材質嘅櫥櫃材料同大家一齊探討，我地一齊去文啦！
防火板
防火板顧名思義，其耐火性比較強，色澤亦會比較好睇，但係很多時候防火板嘅質量有參差，使用不當會導致脫膠、變形等後果。
三聚氰胺板
三聚氰胺板係大家比較熟悉嘅櫥櫃材質，具有耐摩擦、抗衝擊、耐高溫、防熱酸熱堿等性能，防水性會稍微差D，總體來講，三聚氰胺板各方面性能綜合起來都算唔錯。
實木
實木櫥櫃係我地見得比較多嘅櫥櫃，亦係口碑唔錯嘅櫥櫃，實木櫥櫃比較高檔環保，但係亦會有缺陷，好嘅實木櫥櫃價格相對會高貴D，而保養方面會比較麻煩。
不鏽鋼
不鏽鋼櫥櫃係近年來比較受歡迎嘅櫥櫃產品，不鏽鋼櫥櫃望落較時尚，亦非常容易清洗，深受年輕人最愛，但係不鏽鋼櫥櫃防熱性能會較差。
塑膠
塑膠邊框板櫥櫃其實係用D塑膠裝飾貼係板材表面，大多都係手工製作，所以整體效果望落非常唔錯，但時間耐咗都係會出現脫落、甩色問題，仲會存在好多難以清潔嘅死位。
PVC
PVC櫥櫃防水防潮性能好，但係表面容易劃傷、撞損、而且唔係好耐高溫，久而久之會慢慢變形。
有機玻璃
有機玻璃算是比較嘅高檔櫥櫃，望落亦比較舒服，比較好清洗同耐用，但係水晶玻璃櫥櫃施工難度大，如果施工過程中有D問題無處理好，後面就會有許多麻煩，所以價格相對會較高。
(以上圖片均來自網路，如有任何版權問題，請與本站聯絡)
