裝修佬話你知 : 去除鞋櫃異味話咁易
2017年01月11日
1
373851
鞋我地每日都會著，而且要接收腳嘅汗液，現時為咗美觀，大多數都會選擇密封嘅鞋櫃，久而久之鞋櫃就會有異味，尤其係夏天，認真頭痛。唔通風嘅環境係細菌滋生嘅溫床，而鞋櫃又係清潔盲點，好少會有朋友定期清理，再加上塞滿著過嘅鞋，細菌最中意係陰暗潮濕嘅環境生長，最後導致足癣、真菌感染、香港腳等足部問題。以下裝修佬同大家分享去除鞋櫃異味方法，一齊去文。
茶葉渣、咖啡渣
將鞋搬出來，徹底清理乾淨後，用布抹乾，係鞋櫃內鋪幾張舊報紙。係布袋或舊絲襪塞茶葉渣或咖啡渣，扎好後擺係鞋櫃角落，可以有唔錯嘅消除霉菌同異味效果。
生果皮
每次吃完生果，果皮唔好直接扔咗，例如橙皮、柚子皮、菠蘿皮、香蕉皮等果皮，具有天然果香味，能夠遮擋臭氣，放係鞋櫃二次利用，但要留意，果皮要及時清理，如果唔係擺鞋櫃度就會發霉。
番梘
鞋櫃中擺一舊番梘，就可以輕鬆去除鞋櫃中嘅臭味，每次打開都會有淡淡香味。
竹炭
天然竹木炭放入鞋櫃中，可以有去除異味作用，用一段時間後，將炭包擰出來係太陽底下曬，就又可以重複使用了。
樟腦丸（臭丸）
將樟腦丸碾碎，然後將呢D粉末均勻灑係鞋內，係上面放鞋墊，一雙鞋大約一個樟腦丸便可，咁樣鞋內就可以保持乾爽，鞋臭就會消失。
白醋除襪臭
襪容易有臭味，係洗襪嘅水度倒小小白醋，浸一陣，再用清水洗淨，唔單止可以除去臭味，仲起到殺菌作用。
更換鞋墊
一般皮鞋唔可以用水洗，咁就要經常更換鞋墊，每個禮拜至少刷一次鞋墊，每個月換一副新鞋墊，就可以有效去除皮鞋嘅臭氣。
開門通風
將鞋櫃門打開，同時將屋企嘅窗打開，利用通風效果將臭氣去除，仲可以令鞋保持乾燥，鞋櫃應每個月至少開門通風一次。
裝修佬溫馨提示
臭丸唔可以直接同腳接觸，而且裝有臭丸粉沫嘅鞋唔需要經常曬，入面嘅臭丸粉每個星期換一次便可，臭丸有唔錯嘅抑菌作用，能夠殺死因為潮濕而繁殖嘅大量細菌，咁樣就唔會有臭味。另外，係鞋櫃內放紙巾，都係個唔錯嘅選擇，唔單止去味仲可以反復利用。每次做完運動嘅鞋唔好即刻擺入鞋櫃，要擺係通風地方晾最少2個鐘以上，散去鞋內汗液及臭味。
(以上圖片均來自網路，如有任何版權問題，請與本站聯絡)
