裝修佬話你知 : 廁所用具清洗方法

2017年01月25日
2
334253
廁所潮濕嘅環境成為屋企最容易藏污納垢嘅地方,要打掃得乾淨整潔非常吃力,好多家庭主婦都會抱怨廁所難做清潔,頭都大埋。其實,只要用啱方法,你就會發現,清潔廁所都可以好輕鬆,究竟有咩個中奧妙呢?裝修佬話你知。

裝修佬話你知 : 廁所用具清洗方法
 
水龍頭 

將剃鬚膏擦係水龍頭上面,然後用濕布抹,最後沖洗乾淨便可,簡單快捷,而且抹完後仲非常乾淨。 

浴室鏡 

清潔浴室鏡嘅步驟同清洗水龍頭步驟差唔多,用紙巾將剃鬚膏擦係浴室鏡上面,跟住用濕紙巾將泡泡均勻抹成塊鏡上,最後用水沖洗乾淨便可,抹完後光亮清香、乾淨清楚長達一個星期。 

清洗花灑 

花灑表面容易積滿水垢,用醋就可以方便去除。將清水同白醋按1:1比例混合,用膠袋裝起來,然後將花灑頭拆落來浸係膠袋度,密封好,靜置半個鐘後擰出來,用熱水沖刷下便可。 

浴簾 

將浴簾丟入洗衣機,然後用中性洗滌劑或半杯梳打粉,可以係洗衣機入面放幾條毛巾或床單窗簾,咁樣既能夠去除霉菌,又可以保護浴簾唔會洗爛,最後浴簾掛起來自然風乾。要特別留意,千祈唔好用紙巾或抹布去抹浴簾上嘅霉菌,咁做係根本無法根除。 

瓷磚 

按1:1比例混合水同白醋或用漂白水,用樽裝起身,然後紙巾噴係瓷磚上面,噴完後等瓷磚自然風乾,最後,用水將瓷磚徹底沖洗一次便可。至於難清洗嘅黑點,可以用梳打粉同水調成糊狀,然後使用舊牙刷將黑點刷走即可。 

馬桶 

馬桶係廁所最污糟嘅潔具,而且馬桶嘅使用次數頻繁,好難可以徹底清潔乾淨。臨瞓前,倒半支可樂係馬桶靜置一晚,第二日沖走,呢個方法會較輕鬆,如果想乾淨D,可以改用白醋,消毒又殺菌。 

淤塞排水管 

係排水管倒少許梳打粉,然後再倒一杯醋,幾分鐘後用熱水沖一下便可。

(以上圖片均來自網路,如有任何版權問題,請與本站聯絡)



裝修佬話你知 : 廁所用具清洗方法
康少
342篇