裝修佬話你知 : 雪櫃去除異味有竅門
2017年02月03日
2
398804
雪櫃嘅發明可以將食物延長食用時間，減少浪費跡象，但食物無論煮熟定生嘅，都有本身嘅氣味，如果放係雪櫃無遮掩包裝，雪櫃本身又唔透氣，擺放時間長，食物變質腐爛後就會產生異味。以下裝修佬為大家分享雪櫃去除異味嘅竅門，一齊分享俾你身邊嘅朋友啦。
可以放D茶葉，當然，放入雪櫃嘅茶葉，就唔可以再飲用，用紙巾或紗布絲襪包住茶葉，每層放一包，就可以起到相當好嘅效果，一個月後擰出，放係太陽下曝曬，再擺入雪櫃，可反復使用多次。
買幾個新鮮洋蔥，切成細塊後放到雪櫃角落，放幾個鐘後，再將洋蔥切成更細塊，唔使幾耐，雪櫃嘅異味就會被清除。
活性炭本身就有吸臭效果，但最好唔好接觸到水，尤其唔好接觸到雪櫃入面嘅水。
食過嘅柚子皮、橙皮唔好扔，放入個細碗度，然後擺係雪櫃內。柚子皮、橙皮自然散發出來嘅香味，具有一定嘅吸臭功效，對雪櫃除臭來講，相對唔錯。或可係雪櫃放一個新鮮蘋果，蘋果自然散發出來嘅香氣可以對抗雪櫃臭味，而且蘋果本身係氧化過程中，可以吸收臭味。
如果雪櫃已經有臭味，可以係入面放卷紙巾，紙巾吸水後將雪櫃嘅臭味吸收，建議半個月換一卷紙巾。
將食剩嘅麵包裝係盒度放係雪櫃就可以達到同除臭劑完全相同嘅作用。或將蒸饅頭時剩低嘅一細舊生面放係碗中，放於雪櫃冷藏室，可保持雪櫃2～3個月無異味。
雪櫃內擺放物品雖然都有器皿裝住，但都需要乾淨嘅環境，所以要勤於清潔，自然就可以減少異味嘅存在。
(以上圖片均來自網路，如有任何版權問題，請與本站聯絡)
