裝修佬話你知 : 你識唔識揀花灑
2017年02月09日
1
398606
現時科技先進，推出嘅產品亦越來越人性化，就連普通一個花灑就講求完美，帶有按摩、激流、雨淋形式嘅花灑出於市面，帶俾你沐浴新感受。但現時市面上嘅選擇多，你又識唔識得揀呢？咩為之好呢？裝修佬話你知。
維護方便，防結垢、唔淤塞
熱水係花灑內部會產生水垢，所以質量差嘅花灑用一段時間後，就會淤塞或出水不順，而需要清洗。如果用除垢劑或用醋浸，花灑嘅壽命可想而知，所以最好選擇唔防結垢，免維護嘅花灑。
節水功能
現時市面上花灑種類多，有採用鋼球閥芯，配以調節熱水控制器，可以調節熱水流入量，從而令熱水迅速準確流出，新技術唔單止可以節水，仲唔會影響舒適度，設計合理嘅花灑比起普通花灑要節水50%。
出水方式
其實對於花灑來講，出水方式直接影響著沖涼感覺，現時市面嘅按摩花灑，佢可以隨意調節出強力式、輕柔式、適度式、混合式等多種力道模式，水可以以按摩、細碎、旋轉等方式噴灑，令身體得到放鬆。
自潔效果
舊式花灑嘅出水口大多係隱藏係入面，而現時嘅花灑大多將出水口裸露係外邊，橡膠質地嘅出水口會更易清潔，而且唔易生水垢，更方便清潔，用手、布抹就可輕鬆完成。
配件質量
花灑嘅配件選購非常關鍵，因為佢會直接影響到舒適度，比如水喉同升降杆是否靈活，軟管加鋼絲抗屈能力如何，連接處是否設有防扭纏嘅滾球軸承，升降杆是否有旋轉控制器等。
出水方式
現時具有多種出水方式嘅花灑，而且設計越來越人性化，可以隨意調節出有氧式、雨淋式、湧浪式、激流式等出水方式，隨心所浴，提高舒適度同沐浴樂趣。
安裝方式
花灑嘅安裝方式主要有三種，雨淋式高杆、升降杆安裝同固定支座安裝，裝修佬推薦升降杆式安裝，經濟實用，又唔影響舒適度，雨淋式高杆豪華，但維護會比較麻煩。
(以上圖片均來自網路，如有任何版權問題，請與本站聯絡)
