裝修佬話你知 : 傢俱油漆面裂開補救方法
2017年02月13日
2
373818
傢俱係組成一個家庭嘅主要角色，但使用時間長咗，你會發現傢俱嘅漆面裂開，雖然唔影響使用，但影響整體效果及美觀。漆面裂開令人困惑，究竟係咩原因造成呢？又應該點補救呢？裝修佬話你知。
木制傢俱油漆裂開原因
環境問題：環境因素、空氣、水、陽光直射，漆膜老化分解。
底材原因：底材上有酸性物或鹼性物未清理乾淨、底材漂白處理過、表面殘留過氧化物等易令油漆變黃。
產品因素：使用劣質油漆、清漆。
木制傢俱油漆裂開解決方法
對漆膜應勤保養，經常打蠟保護，儘量避免陽光直曬，變黃係自然現象，選用優質油漆可減低變黃現象。
對底材進行適當處理，令底材保持清潔，乾燥，平整。
慎選油漆，盡量選用優質油漆。
施工階段要防止傢俱裂開
木工工作完成後，一定要放置幾日，等水分揮發後再油油漆，咁樣就可以防止因木料中嘅水分過多，造成傢俱變形引起嘅漆面裂開。
油油漆時，注意唔好令漆面過厚，因為漆面越厚，就越容易因為表層同內層冷熱不均引起漆面裂開。
做廁所門時，背面要做防腐防水處理，唔好緊貼地面，一般需要留出一定距離，防止吸取地面濕氣。
木制傢俱油漆裂開常見問題：塗膜表面成線狀、多角狀或不定狀裂痕。
補救措施，因漆而異。經過一年四季嘅天氣問題，傢俱漆面出現裂紋甚至裂開，其實係好正常，如果傢俱已經出現咗漆面裂開，就需要做補救工作，根據漆面嘅唔同，採用嘅補救措施亦唔同。
木工油漆分清油同混合油，其中清油又分普通漆同水性漆，處理嘅方式各有不同。
清油
普通漆：用800#以上嘅細砂紙加水，仔細打磨裂開地方，清潔好打磨位置，然後油同色漆，等到乾透後，再油一次。
水性漆：使用專用修補蠟，油上水性漆便可。
如果漆面已經出現嚴重裂紋，需要將裂開嘅漆面小心剔走，上一層底灰，然後打磨、噴漆。
如果漆面只係出現輕微裂紋，直接打磨，然後噴漆即可。
