裝修佬話你知 皮沙發保養方法
2017年02月15日
3
398185
皮沙發高檔大方、容易打理、質感特別、使用壽命長等，成為眾多家庭朋友嘅首選。皮沙發雖好，但保養不當容易造成皮質變黑，皮面裂開等情況發生，皮沙發嘅保養如何，佢嘅壽命也必如何，以下裝修佬教大家皮沙發嘅保養方法。
清潔皮革
首先應瞭解皮質種類，除磨沙皮外均可使用專業沙發清潔劑同保養劑。
因有D皮革表層處理較差，使用前先係皮革唔顯眼地方試用。
用清水，皮革特別污糟時可用暖水洗濕毛巾或海綿，用手扭乾後輕抹皮革，抹去塵埃污垢，直到清潔乾淨，等到皮革自然乾透，避免直接暴露於熱力或陽光下。
每次清潔之後，要用皮革保護劑進行護理。
日常保養
對新購置嘅皮沙發，首先用乾淨濕毛巾，抹去沙發表面塵埃以及污垢，再用護理劑輕擦沙發表面一至兩次，唔好使用含蠟質護理品，咁樣係真皮表面形成一層保護膜，令日後污垢唔易深入真皮毛孔，便於以後清潔。
避免油漬，圓子筆、油墨等整污糟沙發。如發現沙發上有污漬等，應立即用皮革清潔劑清潔，如無皮革清潔劑，可用乾淨毛巾沾少許酒精輕抹污漬位，之後再用乾D嘅濕毛巾抹，最後用保護劑護理。
沙發日常護理用擰乾嘅濕毛巾抹即可，大約2~3個月用皮革清潔劑對沙發進行清潔。
為咗延長使用壽命，要儘量避免小朋友係沙發上跳動，身體有汗時避免直接接觸沙發。
要避免陽光直射沙發，暴曬或過於乾燥會令皮沙發裂開，同時沙發嘅擺放要離牆5~10cm，保持通風。
