水龍頭漏水點算好?
2017年02月21日
3
374439
水龍頭雖然唔起眼，但佢就大有作用，使用水龍頭嘅使用次數頻繁，難免會出現漏水滴水問題，漏水唔單止浪費水資源仲會係生活上帶來不便，以下裝修佬教大家水龍頭漏水處理方法。
水龍頭接合處漏水
滴水係水龍頭關閉時發生，而漏水係水龍頭入面有水流過時發生。如果見到有水從手柄周圍湧出來，咁水龍頭就係漏水。首先要確定是否螺絲帽鬆咗，如果導致漏水原因並唔係螺絲帽母鬆嘅話，咁就要更換密封圈。
換水龍頭軸心
如果水龍頭內嘅軸心墊磨損，可以用鉗將壓蓋栓位轉鬆，然後擰出軸心墊片，換上新嘅便可。
水龍頭閥座
如果換咗墊圈後水龍頭仲滴水，有可能係水龍頭閥座出問題。一個損壞嘅墊圈可能會令水龍頭閥座被金屬閥芯磨損變得不平，或者水中化學物質沉積可能形成殘渣，令墊圈唔可以同閥座完全壓緊。
首先要準備閥座鬆緊扳手，將扳手插入閥座，然後逆時針方向扭，如果閥座拆唔到，就插入一個可以滑入舊閥座適當位置並提供密封閥座套，可以令磨損閥座重新變平嘅兩種類型閥座碾壓器或打磨器。
止水膠帶損壞
將水龍頭擰緊然後用士巴拿將水龍頭逆時針回轉擰落來，然後用螺紋孔用封印膠帶順時針卷上六次，整好之後，將水龍頭重新擰好，然後打開開關試試會唔會出現漏水現象，如果仲係有漏水情況，重複封印膠帶動作然後擰緊便可。
裝修佬溫馨提示
日常生活中我地要正確使用水龍頭，關水龍頭嘅時候切勿將龍頭旋轉得太緊，咁樣便可維持水龍頭7~8年壽命，水龍頭熱水部分由於係熱漲冷縮下變化，容易增加水龍頭損耗，所以裝修佬建議為防止水龍頭漏水，水龍頭冷熱兩邊嘅膠墊最好定期更換。
