裝修佬話你知 : 廚房鋅盤的清潔保養
2017年03月02日
3
398787
廚房裝修時，好多朋友都會選擇不銹鋼鋅盤就可以經久耐用，可能好多人都會有個錯覺就係不銹鋼係唔會生銹，生銹就唔係不銹鋼了。 其實呢個係對不銹鋼缺乏瞭解嘅一種片面錯誤諗法，不銹鋼係一定條件下都會生銹架。咁究竟點解會生銹? 又有D咩需要注意呢？裝修佬話你知。
不銹鋼具有抵抗大氣氧化能力，同時亦具耐蝕性。但其抗腐蝕能力係隨其鋼質本身化學組成、加互狀態、使用條件及環境介質類型而改變。不銹鋼係靠其表面形成嘅一層極薄而堅固細密嘅穩定防護膜，防止氧原子滲入、氧化而獲得抗銹蝕能力。但薄膜遭到破壞，空氣或液體中氧原子就會不斷滲入或金屬中鐵原子不斷放出來，形成疏鬆嘅氧化鐵，金屬表面就會受到不斷咁銹蝕。
鋅盤保養注意事項
鋅盤要經常清潔，清洗時用海棉或布，如用清潔劑清洗時，要選用中性清潔劑輕輕擦洗。
鋅盤表面唔可以接觸含有重金屬成份嘅水，因含重金屬嘅水會致使鋅盤變色或產生銹斑。
儘量避免用強力漂泊水、化學品及番梘長時間接觸，如有發生需用水清洗立即用毛巾抹乾。
清洗鋅盤唔好用鋼棉，鋼棉擦洗可能會令金屬顆粒黏附係盤壁，時間長咗容易產生銹斑，影響使用壽命。同時避免用鋼刷或質地粗糙嘅刷，以免表面刮傷。
裝修要注意開窗通風，避免裝修材料發出嘅腐蝕性氣體，對鋅盤表面氧化，從而造成生銹。
鋅盤使用完畢後，用清水沖洗抹乾，唔好殘留水滴係表面，高鐵含量嘅水可能導致表面形成棕紅著色痕跡，如有可用低濃度醋來除去沉積，最後用清水完全清洗乾淨。
鋅盤儘量唔好用膠墊，因為膠墊下嘅污垢難以清潔。
新裝修嘅朋友，可以將一層油擦係鋅盤表面，之後經常使用就唔會發生類似有水銹嘅情況。另外，如果長時間唔用鋅盤嘅話，亦可以用一層油擦係上面。
