裝修風水學 : 窗戶風水知多少
2017年03月03日
1
184542
如果眼睛係人嘅靈魂之窗，咁窗就係屋企嘅靈魂所在。窗嘅重要性相信你同我都知，但風水你又知幾多呢？以下裝修佬同大家分享窗嘅風水相關知識。
窗台大細
睡房風水中，窗台唔可以太細亦唔可以過大，過大唔可以保證睡房安全性，太細會令室內空氣唔流通，俾人壓抑感，從而削弱睡房嘅愛情風水。
窗簾顏色
白色代表著純潔無暇，表示住對愛情忠誠度，睡房白色嘅窗簾，對於夫妻來講係最佳選擇。黃色係溫暖嘅顏色，對於調和夫妻之間嘅緊張關係非常有用，係提升愛情風水嘅技巧。而紅色對於新婚夫婦來講，可以增加浪漫。
不可正對醫院、寺廟、垃圾場
呢D陰氣比較重嘅地方好可能陰氣會順著窗從而進入室內對自己同屋企人都會造成損害，令運勢降低仲可能會導致破財等不利因素。
兩扇窗唔可以對正
風水學中如果睡房兩扇窗對正會令你嘅睡房難以藏風聚氣，非常不利於居住係室內人聚財，亦會造成容易疲勞等一D身體上心理上嘅不利，而且會有破財狀況發生。
方形窗或拱形窗
圓形或拱形的窗戶俾人如教堂般寧靜安祥感覺，適合裝設係睡房、玄關。方形窗俾人振奮肯定感覺，適合用係飯廳及工作場所，如果適度混合使用兩種窗形，可獲得最好效果。
唔可以對正著水塔或電線杆
咁樣嘅房屋容易被煞氣通過窗而進入睡房，容易影響到家人財運同事業運、健康運勢都會受到損害從而引發疾病。
忌窗口大、朝東或朝西
瞓係窗口大、朝東或朝西嘅房中容易因光煞導致血光之災，因為朝東或朝西嘅房，早上或下午猛烈嘅陽光會導致睡房內光線過強，刺激神經影響休息，導致失眠，更令人變得不棱鏡、衝動易怒。裝修佬建議選擇窗口唔大、朝北或朝南嘅房為睡房。如果已經住緊，咁係適當時候要拉好窗簾。
窗與窗差距
同隔離鄰舍兩窗太接近，兩家人嘅運氣都會略為反復，因為兩宅嘅風水未必同樣好或壞，兩宅嘅運氣會從窗門交流，故呈運氣反復現象。不過只限定客廳窗相對，如果客廳窗唔係相對，距離接近都無問題。如果窗距太接近時，只要裝上厚窗簾便可。
窗唔可以有破損
窗係房屋嘅風水之眼，破爛損壞嘅窗容易對人眼部患有疾病。為咗確保健康，一旦發現窗玻璃有破損嘅話，就要立即修復，避免對自身有不利影響。
