裝修風水學 : 地氈風水話你知
2017年03月08日
1
184326
好多朋友都鐘意係屋企放地氈，地氈花款圖案多、舒適腳感、俾人舒適柔和感、裝飾室內空間等好處。但唔講唔知，地氈嘅圖案、顏色等方面都會影響家居風水，究竟實情係點？裝修佬話你知。
地氈圖案嘅五行屬性要同方位、色彩相結合
一般而言，圖案都有自己嘅五行屬性，比如說，波浪形狀五行屬水，直條紋屬木，星狀、棱錐狀圖案屬火，格仔圖案屬土，圓形屬金。係選擇地氈圖案時候，要結合地氈所在嘅方位、顏色等方面來考慮，可為屋企人帶來好運勢。比如要選擇一塊位於屋企中央客廳沙發前嘅地氈，就可對應中央五行屬土嘅性質，選擇黃色系嘅格仔圖案地氈。
地氈圖案寓意宜吉祥
地氈上嘅圖案有D好明確，一眼就可以看出係動物、植物、人物、風景，有D則純粹係圖案，但無論點都好，係選擇地氈嘅時候，都要選擇構和諧、寓意吉祥圖案嘅地氈，令人賞心悅目，心平氣和。
地氈圖案要同裝飾風格相適應
現代、時尚嘅裝飾風格可以選擇簡潔、乾淨或者抽象圖案嘅地氈，有D以大自然色彩融入其中，淡雅嘅蘋果綠、清新嘅米色，體現出簡潔與質樸。有D以乾淨俐落嘅線條，帶出寧靜安詳氣氛，有D係深淺不一嘅色塊組合，深色落落大方、淺色年輕時尚，舒適而雅致。
地氈圖案花款多，選擇時亦應同裝飾風格協調。一般來講，歐式風格裝飾可選擇宮廷美術式、採花式等圖案地氈，呢類地氈花紋繁複、圖案華美、充滿異域風情，同奢華優雅復古傢俱相呼應。中式風格如紅木傢俱嘅裝飾，則應選擇京式、京彩圖案嘅地氈，呢類地氈描繪著花鳥山水、福祿壽喜等中國古典圖案。而現代簡約風格，則可選擇簡單團為主，切忌過於花巧，與裝修風格不協調。
(以上圖片均來自網路，如有任何版權問題，請與本站聯絡)
