裝修佬話你知 : 室內防潮除濕我有計
2017年03月14日
2
398349
近排天氣話俾我地聽回南天不經不覺已經到咗，潮濕除咗令人感覺不適之外，仲帶來諸多不便，唔單單係衣物地板唔乾，患有風濕病嘅朋友帶俾佢地嘅折磨，而且仲令家居室內潮濕發霉產生異味，令細菌病毒滋生，非常棘手。潮濕嘅氣候我地無法改變，但可以改善，究竟係咩方法呢？裝修佬話你知。
選好建材做好裝修
潮濕天氣對家居，尤其係屋企地板、牆紙、瓷磚等危害重大，係過分潮濕嘅情況下，如果呢D裝修建材出現嚴重問題，可能需要返修，所以為咗避免呢類重大家居慘劇發生，大家從選材到裝修環節都需要考慮到日後嘅防潮問題。
電器抽濕
對於空間唔係特別大嘅房間，可關好門窗，使用抽濕機或開啟冷氣除濕，或選擇使用風扇，通過風扇嘅轉動帶動室內空氣流通，起到除濕效果。
間歇通風
陰雨天時，應將朝南或東南方向嘅門窗關閉，以減少水汽進入室內。朝早同夜晚外面空氣濕度處係最高值，不宜開窗，應在中午氣候相對乾燥嘅時候，開窗調節室內空氣。
木炭除濕
工業炭、家用活性炭以及普通炭包等都係非常好用嘅防潮產品，可通過調節濕度、去除異味、改善各類櫃內潮濕發霉等問題，可根據傢俱同使用地方嘅不同，選擇唔同嘅炭製品。
室內防潮濕
關閉門窗，先防後治，防止室外暖濕氣流進入，廁所要隨手關上，以免水汽綿延到室內其他地方，煮飯或沖完涼，記得要將廚房門同廁所門關上，抽氣扇可以開足24小時，以減少水分停留。
自製除濕工具
舊物利用：報紙、舊衣物除濕，天氣潮濕嘅時候最怕就係地面潮濕，呢個時候可以係地板或地磚鋪報紙或舊衣物，報紙上嘅油墨以及乾燥舊衣服都有唔錯嘅吸水效果，而且仲有防滑作用。
自製洗衣粉除濕盒
洗衣粉對水非常敏感，遇水就會融化凝結，運用呢個原理，可以製作洗衣粉除濕盒，有效吸收室內空間中嘅水汽。首先用盒裝小小洗衣粉，關上蓋或者用保鮮膜封好，然後係上面均勻咁搓幾個窿，將製作好嘅除濕盒放係地板各個角落，等洗衣粉吸飽水分結塊後，仲可以擰去洗衫。
香薰蠟燭除濕
蠟燭可以起到降低室內空氣濕度作用，睡房或者客廳點蠟燭，節能又有效乾燥空氣，又可以去除室內霉味，香薰同時可作為裝飾提升家居浪漫氣氛，既實用又有情調。
咖啡渣除濕
咖啡渣兼具吸水、除臭兩大功能，咖啡渣晾乾後用紗布袋、絲襪或棉襪包住，擺放係地板各個角落，可以有效吸收空氣水分，仲有除甲醛等裝修污染氣味功能。
